BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

قوستانايلىق اكىمدەر ىشكى ٴتۋريزمدى دامىتۋعا ق ۇلىقسىز

فوتو: Автор

بۇگىن قوستاناي وبلىسى اكىمى ارحيمەد مۇحامبەتوۆتىڭ قاتىسۋىمەن وتكەن جيىندا ٴوڭىردىڭ ىشكى تۋريزمىمىنە قاتىستى ماسەلەلەر سارالاندى. اتالمىش باسقوسۋدا بايانداما جاساعان وبلىستىق كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى يسا قۇدابەكوۆ جەرگىلىكتى جەردەگى اكىمدىكتەردىڭ اتقارىپ جاتقان جۇمىستارىن سىنعا الدى، دەپ حابارلايدى baq.kz ايماقتىق ٴتىلشىسى.

جالپى العاندا، وسى جىلى قوستاناي وبلىسىنىڭ ىشكى ٴتۋريزمىن دامىتۋعا ارنالعان نەگىزگى جوسپار جاسالىپ قويىپتى. وعان جەرگىلىكتى بيۋدجەتتىڭ 43 ملن تەڭگەسى جۇمسالماق.

«بۇعان دەيىن ٴوڭىر باسشىسى تاراپىنان قالالار مەن اۋدانداردىڭ اكىمدەرىنە ىشكى تۋريزمگە قاتىستى ٴىس-شارالار جوسپارىن ساپالى ورىنداۋ تۋرالى تاپسىرما بەرىلگەن بولاتىن. الايدا، وسى ماسەلەگە اكىمدىكتەر اسا كوڭىل ٴبولىنىپ وتىرعان جوق. مىسالى، اكىمدەردىڭ سايتتارىندا ٴوڭىردىڭ تاريحي جانە كورنەكى ورىندارى تۋرالى قىزىقسىز، ٴمانى جوق اقپاراتتار، ساپاسىز فوتوماتەريالدار شىققان. بۇل ناقتى جۇمىستار جۇرگىزىلمەيدى دەگەن ٴسوز. ال اۋدان مەن قالالاردىڭ ەشبىرەۋىندە جوسپاردا كوزدەلگەن شارالاردى وتكىزۋ ٴۇشىن قارجى جوق. تەك قانا امانگەلدى اۋدانى تورعاي گەوگليفتەرى جانىندا كوپ ٴتىلدى اقپاراتتىق قوندىرعىلاردى ورناتۋعا 600 مىڭ تەڭگە قاراجات ٴبولدى. سونداي-اق، امانگەلدى اۋدانىنىڭ اكىمدىگى تورعاي گەوگليفتەرىن قورشاۋ ٴۇشىن 17 ملن تەڭگە بولۋگە بيۋدجەتتىك ٴوتىنىم ازىرلەدى. ول ٴقازىر وبلىستىق مادەنيەت باسقارماسىندا قارالۋدا»، – دەدى وبلىستىق كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى يسا قۇدابەكوۆ جيىندا سويلەگەن سوزىندە.

بۇدان باسقا وسى سالادا وبلىس اۋماعىندا تىڭ 5 ينۆەستيسيالىق جوبا جۇزەگە اسپاق. ولار امانگەلدى، جانگەلدى، مەڭدىقارا، قوستاناي، قاراسۋ، ناۋرىزىم اۋداندارىنداتۋريستەرگە ارنالعان سەرۆيس جۇيە اشىلماق. جوبا جۇزەگە اساتىن بولسا، تۋريستەرگە زامان تالابىنا ساي بارلىق جاعداي قاراستىرىلادى. بۇل باستاما وبلىس اكىمى ارحيمەد مۇحامبەتوۆتىڭ دە كوڭىلىنەن شىقتى.

«قوستانايدىڭ جەرى ساياتشىلىق جاساۋعا قولايلى، ٴبىراق بارلىعى زاڭ اياسىندا بولۋىن قاداعالاۋ كەرەك. بارلىق جەردە قىزمەت كورسەتۋ ساپاسىن ارتتىرىپ، جول بويىنداعى ٴدامحانا مەن قوناق ۇيلەردىڭ سانىن كوبەيتكەن ٴجون. بۇل سالادا مەملەكەتتىك جانە جەكە مەنشىك ارىپتەستىكتى دامىتۋ قاجەت. ٴبىزدىڭ وبلىس ارقىلى حالىقارالىق ماڭىزى بار جولدار وتەدى. باسقا وبلىستارعا قاراپ، ۇلگى الىڭىزدار»، - دەپ تاپسىرما بەردى وبلىس اكىمى ارحيمەد مۇحامبەتوۆ.

فوتوسۋرەتتەر: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي