BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

قوستانايدا قاشىپ كەتكەن تۇتقىن قاماۋعا الىندى

فوتو: ашық дереккөзден

قوستاناي وبلىسى سارىكول اۋدانى بويىنشا كاجد قىزمەتكەرلەرىنىڭ جەدەل-ىزدەستىرۋ شارالارىنىڭ اياسىندا قاشىپ كەتكەن سوتتالعان ازامات 10 ماۋسىم كۇنى ساعات 20.00 شاماسىندا قاماۋعا الىندى، دەپ حابارلايدى baq.kz اقپارات اگەنتتىگى قوستاناي وبلىسى قاجد-نىڭ ٴباسپاسوز قىزمەتىنە سىلتەمە جاساپ.

قاشىپ كەتكەن ناريمان كابدۋسالياموۆ قوستاناي وبلىسىندا تۇتقىندالدى.

«بۇعان دەيىن ول ەركىن قوزعالۋ قۇقىعىن پايدالانىپ جۇمىس ىستەۋ نىسانىنان كەتىپ قالعان. بۇگىندە سوتتالعان كابدۋسالياموۆ ۋك-161/11 مەكەمەسىنە ودان ارى جازاسىن وتەۋ ٴۇشىن جەتكىزىلدى»، - دەلىنگەن ٴباسپاسوز قىزمەتىنىڭ حابارلاماسىندا.

اتالعان ٴىس بايلانىستى قر قك 427 بابى بويىنشا سوتقا دەيىنگى تەرگەۋ جۇمىستارى جۇرگىزىلۋدە. قىلمىستىق كودەكستىڭ بۇل بابى اياسىندا 2 جىلعا دەيىن باس بوستاندىعىنان ايىرۋ جازاسى قاراستىرىلعان.

ەستەرىڭىزگە سالا كەتەيىك، ىزدەستىرۋ تۋرالى باعىتتامالار قوستانايداعى دۇكەندەردە پايدا بولعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي