BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قوستاناي وبلىسىنىڭ اتاۋى وزگەرە مە؟

استانا، baq.kz ٴتىلشىسى. ورتالىق كوممۋنيكاسيالار قىزمەتىندە وتكەن بريفينگتە قوستاناي وبلىسىنىڭ اكىمى ارحيمەد مۇحامبەتوۆ قوستاناي وبلىسىنىڭ اتاۋىن تورعاي وبلىسى دەپ وزگەرتۋ تۋرالى باستاماعا قاتىستى پىكىرىن ايتتى.

وبلىس اكىمىنە باستاماشىل توپتىڭ وبلىس اتاۋىن وزگەرتۋ تۋرالى اشىق حاتىنا قاتىستى سۇراق قويىلدى.

«وسىنداي حاتپەن تانىسپىن. كوردىم. جالپى ۇستانىمىم – قارسىمىن، ويتكەنى قوستاناي وبلىسىنىڭ ٴوزىنىڭ تاريحتان كەلە جاتقان اتاۋى بار. قاتەلەسپەسەم، بۇل حاتقا 17 ادام قول قويعان. ولاردىڭ بىرنەشەۋىمەن ٴوزىم سويلەسكەن كەزدە حاتقا قول قويماعانىن ايتقاندار بار. كوپ اۋداندا اكىم بولعان سابىرجان احمەت ۇلى دەگەن كىسى «مەن بۇل حاتقا قول قويعان جوقپىن» دەپ باس تارتىپ وتىر. قاليبەك دەرىپسالدين دەگەن كومپوزيتور دا حاتقا قول قويماعانىن ايتتى. سوندىقتان حالىقتى دۇركلىكتىرۋ دۇرىس ەمەس»، - دەدى ارحيمەد مۇحامبەتوۆ.

وبلىس اكىمى ٴوز سوزىندە اتاۋدى وزگەرتۋدىڭ بەلگىلى ٴبىر ٴتارتىبى بار ەكەنىن ايتتى.

«جالپى مەنىڭ ۇستانىمىمدى ايتايىن: تورعاي دەگەن بىزدە قالىپتاسقان، بۇرىننان كەلە جاتقان اۋدان ورتالىعى بار. ەگەر وتىزىنشى، قىرقىنشى جىلدارى قوستاناي قالاسىنىڭ اتى تورعاي دەپ اتالسا، ياعني بۇرىنعى اتىن قايتارۋ بويىنشا جۇمىس بولسا ٴبىر ٴجون»، - دەيدى ول بۇل باستامانى قولدامايتىنىن ايتىپ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي