BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

كوشەربايەۆ قىزىلوردادا شىنى زاۋىتىنىڭ قاشان ىسكە قوسىلاتىنىن ايتتى

استانا، baq.kz ٴتىلشىسى. قىزىلوردا وبلىسىنىڭ اكىمى قىرىمبەك كوشەربايەۆ الداعى جىلدىڭ ٴساۋىر-مامىر ايىندا وڭىردە سمارتفونعا ارنالعان اينەكتەر شىعاراتىنىن زاۋىت ىسكە قوسىلاتىنىن ٴمالىم ەتتى.

الدىمەن ٴوڭىر باسشىسى قىزىلوردادا شىنى زاۋىتىنىڭ قۇرىلىسى اياقتالىپ قالعانىن اتاپ ٴوتتى.

«وڭىردە گادجەتتەرگە ارنالعان ۋلترا-اينەك شىعارىلادى. جوبانىڭ قۇنى - 150 ملن دوللار. مەن ارنايى زاۋىتتىڭ ديرەكتورىن شاقىردىم. شىنى شىنى زاۋىتىنىڭ اشىلۋىنا بايلانىستى كۇدىك بولدى. ٴبىراق قىزىلوردادا شىنى زاۋىتى بولادى. قازىرگى تاڭدا زاۋىتتاعى قۇرىلىس-مونتاجداۋ جۇمىسى 90%-كە ٴبىتتى. زاۋىتقا 100%-كە قۇرال-جابدىقتار جەتكىزىلدى»، - دەدى قىرىمبەك كوشەربايەۆ وكق-دە ٴوتىپ جاتقان بريفينگتە.

ونىڭ ايتۋىنشا، زاۋىت 32 جىل بويى جۇمىس ىستەۋگە قاۋقارلى ەكەن.

«مەنىڭ ويىمشا، مۇنداعى ٴوندىرىس 32 جىل بويى توقتاۋسىز جۇمىس ىستەي الادى. سونداي تەحنولوگيا بار. زاۋىتتى ىسكە قوسۋ ٴۇشىن اۋا تەمپەراتۋاراسى +20 گرادۋس بولۋى كەرەك. قۇداي قالاسا، ٴبىز (الداعى جىلدىڭ – اۆتور) ٴساۋىر-مامىر ايىندا ٴوندىرىستى ىسكە قوسامىز. بۇل زاۋىت ٴوز سالاسىندا ورتالىق ازيادا مونوپوليست بولادى»، - دەپ تۇيىندەدى ٴسوزىن وبلىس اكىمى.

ايتا كەتەيىك، وسىعان دەيىن ٴبىز قىزىلوردا وبلىسىندا سمارتفونعا ارنالعان اينەكتەر شىعاراتىن زاۋىت سالىناتىنىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي