BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

قوردايداعى قاراقشىلىق: وبلىستىق ٴىىد تۇرعىنداردى سابىرعا شاقىردى

جامبىل وبلىسى ٴىىد باستىعى ارمان ورازاليەۆ قورداي اۋىلىنىڭ تۇرعىندارىمەن كەزدەستى، دەپ حابارلايدى ۆaq.kz اقپارات اگەنتتىگى.

كەزدەسۋدە وبلىس پروكۋرورى ن. يمانوۆ، وبلىستىق ىشكى ساياسات باسقارماسىنىڭ باسشىسى ب. قۇرمانعالي، قورداي اۋدانىنىڭ اكىمى ب. بايتولە، اۋداندىق ٴىىب جانە پروكۋراتۋرا باسشىلارى، اقساقالدار جانە قوعامدىق كەڭەس وكىلدەرى بولدى.

ارمان ورازاليەۆتىڭ ايتۋىنشا، قوردايداعى قاراقشىلاردى تابۋعا وبلىستىق ٴىىد تاجىريبەلى قىزمەتكەرلەرى جىبەرىلگەن. ولار جەرگىلىكتى پوليسەيلەرمەن بىرلەسىپ، كۇندىزگى جانە كەشكى كۇزەتتى دە اتقارۋدا.

اۋدان اكىمى ب.بايتولە جەرگىلىكتى پوليسيا قىزمەتىن ماتەريالدى-تەحنيكالىق قامتاماسىز ەتۋ ٴۇشىن قارجى بولىنگەنىن جەتكىزدى. ول اقشاعا 18 ۆيدەوفيكساتور، 35 پلانشەت، 19 كومپيۋتەر جانە 35 تەرموپرينتەر الىنىپ، ۋچاسكەلىك ينسپەكتورلاردىڭ 19 قوعامدىق كومەكشىسىن قامتاماسىز ەتۋگە جۇمسالادى.

وبلىستىق ٴىىد باستىعى تۇرعىنداردى سابىر ساقتاۋعا شاقىردى. ونىڭ ايتۋىنشا، جاعداي قۇقىق قورعاۋ ورگاندارىنىڭ باقىلاۋىندا. قىلمىسكەرلەر مىندەتتى تۇردە ۇستالادى جانە ٴتيىستى جازاسىن الادى.

ەسكە سالا كەتسەك، بۇعان دەيىن جەلىدە جامبىل وبلىسىنىڭ قورداي اۋىلىندا بەلگىسىز بىرەۋلەر ۇيلەرگە شابۋىل جاساپ، يەلەرىن جاراقاتتاعانى تۋرالى مالىمەت تاراپ جاتقانىن حابارلاعان بولاتىنبىز.

سونىمەن قاتار، قوردايدا قاراقشىلار سوققىعا جىققان زەينەتكەر قايتىس بولدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي