BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

كولىك تەرەزەسىنەن شىعىپ سەلفي جاساعان قاراعاندىلىق ايەل قازا تاپتى

قايعىلى وقيعا قاراعاندى وبلىسىنىڭ اقتوعاي اۋدانىندا ورىن العان. ٴجۇرىپ كەلە جاتقان اۆتوكولىك تەرەزەسىنەن دەنەسىن شىعارىپ، سەلفي جاساماق بولعان ايەل ابايسىزدا قۇلاپ كەتكەن، دەپ xابارلايدى baq.kz ايماقتاعى ٴتىلشىسى.

4 تامىز كۇنى «بالقاش-شۇبار-تۇبەك» باعىتىنداعى دالا جولىندا ورىن العان جول كولىك وقيعاسى ولىممەن اياقتالعان.

«ۋاز» اۆتوكولىگىنىڭ جولاۋشىسى ٴجۇرىپ كەلە جاتقان كولىكتىڭ تەرەزەسىنەن دەنەسىن شىعارىپ سۋرەتكە تۇسپەك بولعان. الايدا ول ابايسىزدا قۇلاپ كەتكەن. وكىنىشكە قاراي، ول العان جاراقاتىنىڭ سالدارىنان قايتىس بولدى»، - دەيدى قاراعاندى وبلىستىق ىشكى ىستەر دەپارتامەنتىنىڭ ٴباسپاسوز xاتشىسى باقىتجان قۇدياروۆ.

ٴىىد وبلىستاعى جول كولىك وقيعالارىنىڭ ازايماي تۇرعاندىعىن ايتادى. وسى جىلدىڭ وتكەن جەتى ايىندا ايماقتا 256 جول كولىك وقيعاسى تىركەلگەن. جول اپاتتارى سالدارىنان 81 ادام قازا بولىپ، 341 ادام زارداپ شەككەن. ۆەدوموستۆو مالىمەتىنشە، جول كولىك وقيعالارىنىڭ كوبى جۇرگىزۋشىلەردىڭ كىناسىنەن بولادى. پوليسيا قىزمەتكەرلەرى جۇرگىزۋشىلەردەن جولدا اباي بولۋلارىن سۇراپ، جول ەرەجەسىن بۇزباۋعا شاقىرادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي