BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

كوكشەتاۋلىق كاسىپكەرلەر بالاباقشالاردى جاڭارتۋعا كومەك كورسەتۋدە

فوتو: Автор

كوكشەتاۋلىق كاسىپكەرلەر كۇردەلى جوندەۋدى قاجەت ەتەتىن بالاباقشالاردى جاڭارتۋعا كومەك كورسەتۋدە. قالادا مەملەكەتتىك-جەكەمەنشىك ارىپتەستىك اياسىندا قايتا جاڭعىرتىلعان «اققۋ» بالاباقشاسى بۇلدىرشىندەرگە ەسىگىن اشتى، دەپ حابارلايدى baq.kz ايماقتاعى ٴتىلشىسى.

كۇردەلى جوندەۋدەن وتكەن ەرەكشە ۇلگىدەگى مەكتەپكە دەيىنگى ٴبىلىم بەرۋ مەكەمەسى جاڭا وقۋ جىلىندا بۇلدىرشىندەرگە لايىقتى تارتۋ بولىپ وتىر.

«مەملەكەت پەن كاسىپكەردىڭ ورتاق مۇددەگە بىرلەسە ارەكەت جاساۋى – قالامىزداعى بالدىرعانداردىڭ بالاباقشامەن قامتىلۋىنا ىقپال ەتۋدە. كوكشەتاۋدا بۇدان بولەك 6 بالاباقشامەن مەملەكەتتىك-جەكەمەنشىك ارىپتەستىك بويىنشا كەلىسىمشارت جاسالۋدا»، - دەيدى كوكشەتاۋ قالاسىنىڭ اكىمى ەرمەك مارجىقپايەۆ.

مەردىگەر كومپانيا "دەلتا-پۆ" جاۋاپكەرشىلىگى شەكتەۋلى سەرىكتەستىگى عيماراتتىڭ كۇردەلى جوندەۋىنە 150 ميلليون تەڭگە قاراجات جۇمساعان.

«جيھازدار جەرگىلىكتى تاۋار وندىرۋشىلەردىڭ ٴونىمى. مىسالى، بالدىرعاندارعا ارنالعان توسەك جايمالارىن زاعيپتار قوعامىنىڭ قىزمەتكەرلەرى تىككەن بولسا، جيھازداردى جەرگىلىكتى كاسىپورىن قۇراستىردى. عيماراتتا ەلەكتر جەلىسى، سانتەحنيكا، كافەلدەر، بلوكتار، باسسەين جاڭارتىلىپ، عيمارات ماڭايى اباتتاندىرىلدى»، - دەيدى قالالىق ٴبىلىم ٴبولىمىنىڭ جەتەكشىسى بەيبىت ٴجۇسىپوۆ.

بوبەكجايدىڭ اۋلاسىنان باستاپ كوزگە وتتاي باسىلعان جيناقىلىق عيماراتتىڭ ٴار بولمەسىنەن ورىن العان.

«مۇندا بالعىنداردىڭ فيزيكالىق جانە پسيحولوگيالىق دەنساۋلىعىن نىعايتۋ مەن ساقتاۋعا ارنالعان جاعداي جاسالعان. ٴجۇزۋ باسسەينى، سپورت زالى، اسحانا، كومپيۋتەر سىنىبى، اكت زالى بالدىرعانداردىڭ يگىلىگىنە جۇمىس ىستەپ تۇر. بالالار دەنساۋلىعىنا پايدالى تۇز شاحتاسى دا ورنالاسقان»، - دەيدى ب.ٴجۇسىپوۆ.

وسىدان 27 جىل بۇرىن تاۋەلسىز ەل بۇلدىرشىندەرىنە ەسىگىن ايقارا اشقان 330 ورىندىق بالاباقشا كوز الدىڭىزعا ەرتەگىدەگى عاجايىپ سارايلاردى ەلەستەتەدى. عيمارات ماڭايى ديزاينى ەرەكشە شامدارمەن جارىقتاندىرىلعان.

«مۇنداي كەشەن بۇرىنعى كەڭەس وداعى تۇسىندا ريگا مەن سانكت-پەتەربۋرگتا عانا بولعان. قوپا كولىنىڭ جاعالاۋىنا جاقىن جەردەن ورىن تەپكەن قايتالانباس بىرەگەي تۋىندىنى №2 كوكشەتاۋ قۇرىلىس ترەسى تۇرعىزدى. بالاباقشا جەل ەلەكتر ستانسياسىمەن جابدىقتالدى.1991 جىلى بىرەگەي كەشەندە گەرمانيا، انگليا، اقش، تۇركيا، قىتاي، وڭتۇستىك افريكا ەلدەرىنىڭ ارنايى دەلەگاسيالارى، كاسىپكەرلەر، ۋوكەشو قالاسىنىڭ تۇرعىندارى بولدى. تاۋەلسىزدىكپەن قۇرداس عيماراتتىڭ بيىل كۇردەلى جوندەۋدەن ٴوتىپ، جاڭارعانى بارشامىزدى قۋانتتى»، - دەيدى بالاباقشا جەتەكشىسى ايناگۇل بەيسەنوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي