BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

كوكشەتاۋداعى تىگىن فابريكاسىنا كاسىبي ماماندار جەتىسپەيدى

فوتو: Автор

كوكشەتاۋداعى «دياس» تىگىن فابريكاسىنىڭ شىعارعان ٴونىمى تەك وتاندىق نارىققا عانا ەمەس، سونىمەن قاتار ەل اۋماعىنان تىسقارى جەرلەردە دە تانىلىپ ۇلگەردى. الايدا كاسىپورىندا كاسىبي تىگىنشىلەر جەتىسپەي وتىر، دەپ حابارلايدى baq.kz ايماقتىق ٴتىلشىسى.

قازىرگى ۋاقىتتا تىگىن فابريكاسىندا 120 ادام ەڭبەك ەتۋدە. جۋىردا ٴوندىرىس ورنى جاڭا تەحنولوگيالارمەن جابدىقتالعان. سونىڭ ارقاسىندا تىگىلەتىن كيىمدەر كومپيۋتەر كومەگىمەن ولشەنىپ، پىشىلەدى.

«فابريكا كەز كەلگەن كيىم-كەشەكتى تىگۋگە قابىلەتتى. باستى ماقسات – جۇمىس ورىندارىن ساقتاپ، ۇجىمنىڭ تۇراقتى تۇردە جالاقى الۋى»،– دەيدى كاسىپورىن ديرەكتورى حاسەن قاجىبايەۆ.

كاسىپورىندا «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى اياسىندا ەڭبەك نارىعىندا سۇرانىسقا يە ماماندىقتار بويىنشا وقۋ ورتالىقتارى جۇمىس ىستەۋدە. مۇندا تىڭداۋشىلار «تىگىن ٴوندىرىسى جانە كيىم ديزاينى» ماماندىقتارى بويىنشا ارنايى كۋرستان وتەدى. «دياس» وقۋ ورتالىعىندا 15 ازامات ٴبىلىم الۋدا. وقۋ باعدارلاماسى قىسقا مەرزىمدى. ازىرگە 30 كۇنگە ەسەپتەلگەن، الداعى ۋاقىتتا 3 اي مەرزىمگە ۇزارتۋ كوزدەلۋدە.

«مۇنداعى تىڭداۋشىلاردىڭ جاس ەرەكشەلىكتەرى ٴارتۇرلى. كوللەدجدەن سوڭ، دەكرەتتىك دەمالىستان كەيىن كەلىپ جاتقان قىز-كەلىنشەكتەر بار. ەڭبەك ٴوتىلى بار كاسىبي ماماندار دا وقىپ جاتىر. كەلۋشىلەردىڭ ٴبىرى بىلىكتىلىگىن ارتتىرۋ، ەندى ٴبىرى باسقا ماماندىق الۋدى كوزدەپ كەلگەن. وقۋ كۋرسىنىڭ سوڭىندا ەمتيحان الىنىپ، سەرتيفيكاتتار بەرىلەدى. كۋرس قىسقا مەرزىمدى بولعاندىقتان، باعدارلامانى تولىق يگەرىپ ۇلگەرۋ قاجەت. كوللەدجدەگىدەي كۇنىنە ٴۇش ساباقتان بولادى. تەوريا مەن پراكتيكا ۇشتاستىرىلادى. قوسىمشا دايىندىق الۋلارىنا دا مۇمكىندىك بار. مۇنىڭ ٴوزى ولاردىڭ قوسىمشا تابىس تابۋىنا جول اشادى»،– دەيدى «دياس» كاسىپورنىنىڭ وقىتۋشى انجەليكا كۋزنەسوۆا.

باعدارلاما قاراپايىم ادامدار ٴۇشىن ٴتيىمدى. ماماندار بۇل جۇمىسسىزدىق ماسەلەسىن شەشۋگە دە وڭ ىقپال ەتەتىندىگىن ايتادى.

«ٴبىز الدىمەن تۇرعىنداردىڭ وقۋعا سۇرانىسىن زەرتتەپ الىپ، وقۋ ورتالىقتارىنا جىبەرەمىز. تىڭداۋشىلار اي سايىن 17 مىڭ تەڭگە كولەمىندە ستيپەنديا الادى»، – دەيدى كوكشەتاۋ قالاسىنىڭ جۇمىسپەن قامتۋ ٴبولىمىنىڭ جەتەكشىسى ينديرا ايسينا.

كاسىپورىن «روسنەفت» كومپانياسىنان ٴىرى كولەمدى تاپسىرىس العان. الايدا، كاسىبي مامان جەتىسپەۋشىلىگىنەن كاسىپورىن ٴوز قۋاتىن تولىق پايدالانا الماي وتىر. قازىرگى ۋاقىتتا فابريكا 80-نەن اسا بوس جۇمىس ورنىن ۇسىنىپ وتىر.

«تەحنولوگيا تولىعىمەن جاڭارتىلدى. تاپسىرىس كوپ، الايدا كاسىپورىندا كاسىبي تىگىنشىلەر جەتىسپەيدى»، - دەيدى كاسىپورىن ديرەكتورى حاسەن قاجىبايەۆ.

جىل سايىن تىگىنشىلىك ماماندىعىن بىتىرەتىن تۇلەكتەردىڭ كاسىپورىنعا جۇمىسقا قابىلدانباۋ، ماماندار وقۋ ورنىن بىتىرگەن تۇلەكتەردىڭ قالادا تۇراقتى جۇمىسقا قالماۋ سەبەپتەرىن باسپانانىڭ جوقتىعىمەن ٴتۇسىندىردى.

«كاسىپورىنعا جۇمىسقا ورنالاسۋ ٴۇشىن الدىمەن وندىرىستىك تاجىريبەدەن ٴوتۋ كەرەك. كوللەدج تۇلەكتەرىنىڭ 75 پايىزىنىڭ ماتەريالدىق جاعدايى تومەن. جولاقى، تاماققا كەتەتىن شىعىندى ەسەپتەمەگەندە، تاجىريبەسىز جاس مامانعا تولەنەتىن جالاقى دا ماردىمسىز. جاستاردى تارتۋ ٴۇشىن كاسىپورىن باسشىلىعى جاتاقحانا سالىپ، تەگىن اۆتوبۋس جۇرگىزىپ، ٴتىپتى اسحانا اشۋ ماسەلەسىن دە قولعا الۋ قاجەت»، - دەيدى №1 سەرۆيستىك-تەحنيكالىق كوللەدجىنىڭ ديرەكتورى ليۋبوۆ دروبىشەۆا.

ٴۇش ايلىق وندىرىستىك تاجىريبەدەن وتكەن 13 ادامنىڭ ٴ2-ۋى عانا جۇمىسقا تۇرعان. وسىندا جۋىردا جۇمىسقا ورنالاسقان تىگىنشىلەر جالاقى مولشەرى 17-20 مىڭ تەڭگە ارالىعىندا ەكەنىن ايتتى. ال كاسىپورىن ديرەكتورى تاجىريبەلى تىگىنشىلەردىڭ جالاقىسى الدەقايدا جوعارى ەكەنىن العا تارتادى.

«جالاقى جۇمىس كولەمىنە بايلانىستى تولەنەدى. ورتاشا ايلىق 90 مىڭ تەڭگەنى قۇرايدى. تاجىريبەلى تىگىنشىلەر 150 مىڭ تەڭگەگە دەيىن جالاقى الادى»، - دەيدى حاسەن قاجىبايەۆ.

قالا باسشىلىعى كاسىپورىندى جۇمىسشى كادرلارمەن قامتۋ ماسەلەسىن شەشۋگە كوللەدج ديرەكتورلارى، ٴبىلىم بەرۋ، جۇمىسپەن قامتۋ جانە الەۋمەتتىك باعدارلامالار بولىمدەرىن جۇمىلدىرماقشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي