BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

كوكشەتاۋدا پانەلدى ۇيلەر كوبەيمەك

فوتو: Автор

كوكشەتاۋداعى «رەگيون ستروي» قۇرىلىس كومبيناتى كەلەر جىلدان باستاپ 960 پاتەرلىك 10 تۇرعىن ٴۇي سالۋدى جوسپارلاپ وتىر، دەپ حابارلايدى baq.kz ايماقتاعى ٴتىلشىسى.

ۇدەمەلى يندۋستريالدى-يننوۆاسيالىق دامۋ باعدارلاماسى اياسىندا ىسكە قوسىلعان كومبينات قابىرعا پانەلى، توبە جابىندى جانە قورشاۋلار، پليتالار شىعارادى.

قالاداعى «يۋبيلەينىي» مولتەك اۋدانىندا «رەگيون-ستروي» كومپانياسىنىڭ قارجىلاندىرۋىمەن 6 قاباتتى جاڭا تۇرعىن ٴۇي سالىندى. 60 پاتەردەن تۇراتىن كەشەننىڭ ٴار شارشى مەترى 153 مىڭ تەڭگە.

«كولەمى 84 شارشى مەتر بولاتىن 60 تۇرعىلىقتى پاتەردىڭ نەگىزگى ساتىپ الۋشىلارى «7-20-25» باعدارلاماسى بويىنشا ٴوتىنىم بەرگەن ازاماتتار. قازىرگى ۋاقىتتا تۇگەل دەرلىك پاتەرلەر ٴوز يەسىن تاپتى»، - دەيدى «رەگيون-ستروي» كومپانياسىنىڭ ديرەكتورى الەكساندر دۆورسەۆوي.

تۇرعىن ٴۇي كومبيناتىندا 100-گە جۋىق ادام جۇمىس ىستەۋدە. كەلەر جىلى وڭىردە 960 پاتەرلىك 10 پانەلدى ٴۇيدىڭ ىرگەتاسى قالانادى دەپ جوسپارلانىپ وتىر.

«كومبينات تولىق قۋاتتىلىعىنا كوشكەننەن باستاپ باسپالداقتار، ٴتۇرلى ۇزىندىقتاعى جابىندى پليتالار مەن تۇرعىن ٴۇي قۇرىلىسىنا قاتىستى وزگە دە ماتەريالدار شىعارۋدى قولعا الدى. قۇرىلىس كومبيناتىنىڭ ونىمدەرى وبلىس ورتالىعىنداعى الەۋمەتتىك نىساندار، تۇرعىن ۇيلەر قۇرىلىسىنا پايدالانىلۋدا. ٴونىمنىڭ نەگىزگى بولىگى ەلوردانىڭ قۇرىلىس نىساندارىنا جونەلتىلەدى»، - دەيدى كومپانيا باسشىسى.

مامانداردىڭ ايتۋىنا قاراعاندا قازىرگى پانەلدەر كەڭەستىك داۋىردەگى كەرامزيتتەن الدەقايدا ساپالى ٴارى ٴساندى. 18 سانتيمەترلىك جىلۋ قورعاعىش جامىلعىسى بار. ٴقازىر كاسىپورىن شيكىزات بازاسى رەتىندە جەرگىلىكتى كەنىشتەردەگى قۇم مەن قيىرشىق تاستى پايدالانىپ وتىر. قۇرىلىس كومبيناتى تۇرعىن ۇيلەردى جىلدام تۇرعىزاتىندىعىمەن ەرەكشەلەنەدى.

«قۇرىلىسقا قولدانىلاتىن ماتەريالدار قاتاڭ باقىلاۋدان وتەدى. ويتكەنى ولار ساپا ستاندارتتارىنا ساي كەلۋى ٴتيىس. تۇرعىن ٴۇي قۇرىلىسىندا جەرگىلىكتى بەتون بۇيىمدارى پايدالانۋ قازىرگى سالىنىپ جاتقان قىش جوبالاردان ارزانعا تۇسەدى. قابىرعا پانەلدەرى ٴۇشقاباتتى، ورتاسىنا پەنوپلاست پليتالار سالىنادى. ٴىرى پانەلدى ۇيلەر تەز سالىنادى. قۇرىلىسقا ەنەرگيا ۇنەمدەۋ تەحنولوگياسى قولدانىلادى، -دەيدى كومپانيا باسشىسى ا.دۆورسەۆوي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي