BAQ.kz - Қазақстан жаңалықтары USD 326 BAQ.kz - Қазақстан жаңалықтары EUR 382.2 BAQ.kz - Қазақстан жаңалықтары RUB 5.29
استانا:

كوكشەتاۋ مەكتەپتەرى ٴىt ماماندارىن دايارلاۋدى قولعا الدى

فوتو: Автор

كوكشەتاۋدا «سيفرلى قازاقستان» مەملەكەتتىك باعدارلاماسى اياسىندا اشىلعان ٴىت ورتالىقتاردا جاستارعا باعدارلامالاۋ جانە روبوت تەحنيكاسىنىڭ نەگىزدەرى ۇيرەتىلەتىن بولادى. بۇل تۋرالى وڭىرگە ارنايى ساپارمەن كەلگەن «نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ مالىمدەدى، دەپ حابارلايدى baq.kz ايماقتاعى ٴتىلشىسى.

«نۇر وتان» پارتياسىنىڭ سيفرلاندىرۋدى جۇزەگە اسىرۋ، شاعىن جانە ورتا بيزنەستى قولداۋ جانە «رۋحاني جاڭعىرۋ» باعدارلاماسىنا ۇلەس قوسۋعا باعىتتالعان بىرنەشە ستراتەگيالىق جوبالاردى قولعا الدى. وڭىردە بۇل باعىتتا اۋقىمدى جۇمىستار جۇرگىزىلۋدە.

كوكشەتاۋداعى م.عابدۋللين اتىنداعى №3 مەكتەپ-گيمنازياسىندا پارتيانىڭ بالالارعا باعدارلامالاۋ نەگىزدەرىن وقىتاتىن تەگىن ٴىت-سىنىپتار اشۋ جوباسى بويىنشا ارنايى سىنىپ جۇمىس ىستەۋدە. سول ارقىلى وقۋشىلار «pascal»، java»،«php»، «delph» سياقتى باعدارلامالاۋ تىلدەرى مەن روبوت تەحنيكاسى جايىندا تەرەڭدەتىلگەن ٴبىلىم الۋعا مۇمكىندىك الىپ وتىر. وعان قاجەتتى جاعداي دا جاسالعان.

«وتكەن جىلى مەكتەپ بازاسىندا «باعدارلامالاۋ» ۇيىرمەسى اشىلىپ، وقۋشىلاردىڭ ٴىت تەحنولوگيا، 3d مودەلدەۋ سياقتى جاڭا يننوۆاسيالىق باعىتتا ٴبىلىم الۋىنا جول اشىلعان. ناتيجەسىندە مەكتەپ وقۋشىلارى ٴتۇرلى يننوۆاسيالىق جوبالار بايقاۋىندا توپ جارىپ، جوعارى جەتىستىكتەرگە قول جەتكىزۋدە. بۇگىندە كوكشەتاۋلىق مەكتەپ وقۋشىلارى كەڭىنەن قولداناتىن، 9، 11-سىنىپ وقۋشىلارىنىڭ مەملەكەتتىك ەمتيحان مەن ۇلتتىق ٴبىرىڭعاي تەستىلەۋگە دايىندالۋىنا ارنالعان ۆەب-سايتتى دا ٴدال وسى مەكتەپ-گيمنازيانىڭ جاس ونەرتاپقىشتارى ويلاپ تاپتى»، - دەيدى ٴبىلىم ورداسىنىڭ ديرەكتورى ايناگۇل بالتاشەۆا.

ا.مىرزاحمەتوۆ اتىنداعى كوكشەتاۋ ۋنيۆەرسيتەتىندە پارتيانىڭ ٴىت-ماماندار دايارلاۋ جوباسى اياسىندا ارنايى ورتالىق اشىلىپ وتىر. مۇندا جۇمىسسىز جانە ٴوزىن ٴوزى جۇمىسپەن قامتىعان جەرگىلىكتى ازاماتتار باعدارلامالاۋ نەگىزدەرى بويىنشا ٴبىلىم الادى. ناقتى ايتقاندا، ولار «java»، «php»، «delphi»، «c++3d»،«max3d»، «studio»، «maxfoxpro» جانە «corell3» باعدارلامالارى بويىنشا جان-جاقتى ٴبىلىم الىپ، وسى سالادا ٴوز بەتىنشە جۇمىس ىستەۋدى تاجىريبە جۇزىندە ۇيرەنەدى.

«حالىقتىڭ سيفرلىق ساۋاتتىلىعىن ارتتىرىپ، جاستاردى باسەكەگە قابىلەتتى مامان رەتىندە قالىپتاستىرۋعا باعىتتالعان بۇل جوبا بويىنشا ەلىمىزدە جۇمىس بەرۋشى ىت-كومپانيالار مەن ٴىرى جوعارى وقۋ ورىندارىنىڭ بازاسىندا 20 ٴىت-ورتالىق اشىلىپ، جىلىنا 35 مىڭ ادام ٴبىلىم الادى دەپ جوسپارلانۋدا»، - دەيدى «نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ.

پارتيالىق جوبالاردىڭ قاتارىندا «رۋحاني جاڭعىرۋ» باعدارلاماسى اياسىندا ەلىمىزدەگى كىتاپحانالاردى زاماناۋي ٴبىلىم ورتالىقتارى رەتىندە قايتا قۇرۋ باستاماسى دا بار.

اتالعان باعىتتا م.جۇمابايەۆ اتىنداعى اقمولا وبلىستىق امبەباپ عىلىمي كىتاپحاناسىندا كوۆوركينگ ورتالىعى اشىلىپ، كەلۋشىلەردىڭ كىتاپ وقىپ قانا قويماي، دەمالىستارىن جايلى وتكىزۋىنە قولايلى جاعداي جاسالعان. ياعني، توپپەن نەمەسە جەكە جۇمىس ىستەۋگە ارنايى ورىندار قاراستىرىلعان، تەگىن wi-fi ورناتىلىپ، قاجەتتى تەحنيكامەن جابدىقتالعان. سونداي-اق مۇندا «ٴموبيلدى كىتاپحانا» ينتەراكتيۆتى وقۋ زالى جۇمىس ىستەيدى.

«جوبا اياسىندا 94 الەۋمەتتىك-مادەني جانە ينفراقۇرىلىمدىق كىشى جوبا قولعا الىنعان. وتكەن 2017 جىلى كىتاپحانا تاراپىنان جالپى سوماسى 298 ميلليون تەڭگەنى قۇرايتىن 42 جوبا ٴساتتى جۇزەگە اسىرىلعانىن دا اتاپ وتكەن ٴجون. ودان بولەك، اۋىلدىق كىتاپحانالاردى جاڭعىرتۋعا باعىتتالعان «اۋىلدىق كىتاپحانا – ٴبىلىم مەن پاراسات ورداسى» جوباسى مەن «magjan.kz» تاريحي-ادەبي پورتالى جۇمىس ىستەيدى. بۇگىندە قوردا 361 036 كىتاپ بار. ونىڭ ىشىندە 122 215 كىتاپ سيفرلاندىرىلعان»، - دەيدى وبلىستىق مادەنيەت باسقارماسىنىڭ باسشىسى ساۋلە بورىبايەۆا.

پارتيا ٴتوراعاسىنىڭ ٴبىرىنشى ورىنباسارى پارتيالىق جوبالاردىڭ ماڭىزى تۋرالى ايتىپ، ولاردى وڭىرلەردە جۇزەگە اسىرۋدىڭ بەرەرى مول ەكەنىنە توقتالدى.

«پارتيانىڭ باستاماسىمەن ەلىمىز بويىنشا 1000 ٴىت-سىنىپ اشىلىپ، وندا جىلىنا 150 مىڭ بالا باعدارلامالاۋ جانە روبوت تەحنيكاسىنىڭ نەگىزدەرى جايىندا تەرەڭدەتىلگەن ٴبىلىم الاتىن بولادى. اقمولا وبلىسىنداعى يگى باستامالار سونىڭ جەمىسى. الداعى ۋاقىتتا دا پارتيا قازاقستاندىقتاردىڭ زامان تالاپتارىنا بەيىمدەلگەن، يننوۆاسيالىق جەتىستىكتەردى ەركىن مەڭگەرگەن، ٴىت سالاسىندا باسەكەگە قابىلەتتىلىگىن ارتتىرۋ ٴۇشىن باستاعان جۇمىستارىن لايىقتى جالعاستىرادى، – دەدى ماۋلەن اشىمبايەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي