BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قىزىلجاردا قوجابەرگەنگە ەسكەرتكىش اشىلدى

فوتو: Автор

سولتۇستىك قازاقستان، baq.kz ٴتىلشىسى. قىزىلجاردا قازاق حالقىنىڭ كورنەكتى قايراتكەرى قوجابەرگەن جىراۋعا ارنالعان ەسكەرتكىش اشىلدى. شاھاردىڭ كىرەبەرىس قاقپاسىنا ورناتىلعان ەڭسەلى ٴمۇسىن قالاعا كەلگەن مەيمانداردى قارسى الادى.

تاريحي تۇلعانىڭ 355 جىلدىعىنا ارنالعان سالتاناتتى شاراعا قىزىلجار اتقامىنەرلەرى تەگىس جينالدى. ەسكەرتكىشتى اشۋ قۇرمەتىنە «نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ پەن سولتۇستىك قازاقستان وبلىسىنىڭ اكىمى قۇمار اقساقالوۆ يە بولدى.

قولادان سوعىلعان ٴمۇسىننىڭ تۇعىرىمەن قوسا العاندىعى بيىكتىگى 12 مەتر. اۆتورى – بەلگىلى ٴمۇسىنشى قازىبەك ساتىبالدين. ونىڭ جوباسى بىرنەشە ەسكيزدەردىڭ ىشىنەن تاڭداپ الىنعان بولاتىن. ٴمۇسىن الماتى قالاسىندا قۇيىلىپ، قىزىلجارعا جەتكىزىلگەن. ونى ورناتۋعا 3 اي ۋاقىت كەتكەن. ونى قارجىلاندىرۋعا «رۋحاني باعدارلاماسى» اياسىندا 80 ميلليون تەڭگە جۇمسالعان.

سوسيال جۇمابايەۆ - قوجابەرگەن جىراۋ تاقىرىبىن العاش بولىپ زەرتتەگەن تۇلعالاردىڭ ٴبىرى. ول قازاق باتىرىنا ارنالعان ەسكەرتكىشتىڭ اشىلۋى تەك قىزىلجارلىقتار ٴۇشىن عانا ەمەس، بۇكىل قازاق ەلى ٴۇشىن ەلەۋلى وقيعا ەكەنىنە توقتالدى.

«قىزىلجار توپىراعىندا بۇگىن ۇلكەن مەرەكە. اتاقتى جەرلەسىمىز، قوجابەرگەن جىراۋعا مىناداي ەسكەرتكىش ورناتىلىپ جاتىر. حالىق بۇل جاڭالىقتى كوپتەن كۇتكەنى انىق. مەن قوجابەرگەن تولىباي ۇلىن زەرتتەگەنىمەن 20 جىلدان استى. ول ٴبىزدىڭ ۇلتتىق تۇلعامىز. ٴقازىر وسىنداي تۇلعالارىمىزدىڭ ەسىمىن ۇلىقتاپ، مارتەبەسىن اسىرىپ جاتقان ۋاقىت. سوندىقتان، وسىنداي باتىرىمىزدى حالقىنا قايتارۋعا اتسالىسىپ جاتقان تۇلعالارعا العىسىم شەكسىز»، - دەدى ولكەتانۋشى سوسيال جۇمابايەۆ.

ەسكەرتكىشتىڭ اشىلۋ سالتاناتىنا ەلىمىزدىڭ باسقا وڭىرلەرىنەن دە بەلگىلى قوعام قايراتكەرلەرى، اقىن-جازۋشىلار جينالدى. تاريح عىلىمىنىڭ دوكتورى، قوستاناي مەمەلكەتتىك پەداگوگيكالىق ينستيتۋتتىڭ پروفەسسورى امانجول كۇزەمباي ۇلى دا سالتاناتتى شاراعا ارنايى كەلىپتى. عالىم – 2001 جىلى قازاق تاريحى ٴۇشىن قۇندى شىعارمالاردىڭ ٴبىرى سانالاتىن قوجابەرگەن جىراۋدىڭ «ەلىم-اي» داستانىن العاش بولىپ باسپادان شىعارۋعا ەڭبەك سىڭىرگەن.

«قازاق تاريحىندا بەلگىلى تۇلعالار جەتكىلىكتى. ٴبىراق قوجابەرگەن جىراۋ قازاق ەلىنىڭ شەتىندە جاتسا دا، ٴدۇيىم جۇرتقا بەلگىلى تۇلعا. كورنەكتى مەمەلكەتتىك قايراتكەر، قولباسشى، اقىن-جىراۋ. قازاق دالاسىندا تالاي قولباسشىلار ٴوتتى. ٴبىراق ولاردىڭ سوڭىندا ٴىز قالعان جوق. ال قوجابەرگەن جىراۋ ٴوزىنىڭ «ەلىم-اي» داستانىمەن ٴوزى تۋرالى، ٴوزىنىڭ حالقى تۋرالى ۇلكەن تاريحيدەرەك قالدىرىپ كەتكەن ادام. ونىڭ بۇل تاستانى – تاريحي شىعارما. قازاق دالاسىنداعى سول كەزدەگى ساياسي-الەۋمەتتىك جاعدايلارعا توقتالادى. «ەلىم-اي» شىعارماسى كوپەتەگەن قالالاردىڭ، سونىڭ ىشىندە سولتۇستىك قازاقستاننىڭ – قازاقتىڭ جەرى ەكەندىگىن دالەلدەيدى»، - دەيدى، قوستاناي مەمەلكەتتىك پەداگوگيكالىق ينستيتۋتتىڭ پروفەسسورى امانجول كۇزەمباي ۇلى.

سالتاناتتى شاراعا جينالعاندار «ەلىم-اي» داستانى الەم تىلدەرىنە اۋدارىلىپ، تاراتىلۋى ٴتيىس دەگەن پىكىردى دە ورتاعا سالدى.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي