BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

قىزىلجاردا ٴباسپاسوز بريفينگى ٴبىرىنشى رەت مەملەكەتتىك تىلدە ٴوتتى

ورتالىق كوممۋنيكاسيالار قىزمەتىنىڭ وڭىرلىك فيليالىندا سولتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى دانيار جانالينوۆتىڭ قاتىسۋىمەن كەزەكتى ٴباسپاسوز ٴماسليحاتى ۇيىمداستىرىلدى. وتكەن جىلدىڭ قورىتىندىسى شىعارىلىپ، الدا تۇرعان مىندەتتەر سارالانعان جيىن باستان-اياق قازاق تىلىندە ٴوتتى. تەك رەسمي تىلدە وقىلاتىن باياندامالاردى تىڭداپ، قۇلاعى جاۋىر بولعان جۋرناليستەر قاۋىمى ٴۇشىن بۇل كۇتپەگەن جاڭالىق بولدى، دەپ حابارلايدى baq.kz ايماقتىق ٴتىلشىسى.

جاقىندا ەلباسى نۇرسۇلتان نازاربايەۆ اقپارات جانە كوممۋنيكاسيالار ٴمينيسترى داۋرەن ابايەۆتى قابىلداپ، پارلامەنت پەن ۇكىمەتتىڭ قىزمەتى تەك مەملەكەتتىك تىلدە جۇرگىزىلۋى ٴتيىس ەكەنىن ايتقان بولاتىن. پرەزيدەنتتىڭ تاپسىرماسى پارلامەنت پەن ۇكىمەتكە قاراتا ايتىلعانىمەن، جەرگىلىكتى جەرلەردە دە جۇزەگە اسىرىلا باستادى. مەملەكەتتىك كىرىستەر دەپارتامەنتىنىڭ باسشىسى دانيار جانالينوۆ بايانداماسىن قازاق تىلىندە دايىنداپ اكەلىپتى جانە جۋرناليستەردىڭ قويعان ساۋالدارىنا دا تۇگەل قازاقشا عانا جاۋاپ بەردى.

«مەملەكەتتىك كىرىس ورگاندارىنىڭ ٴتيىمدى قىزمەت كورسەتكىشتەرىنىڭ ٴبىرى – سالىقتار مەن باسقا دا بيۋدجەتكە تولەنەتىن مىندەتتى تولەمدەر ٴتۇسىمىنىڭ ٴوسۋ قارقىنىن قامتاماسىز ەتۋ. ماسەلەن، 2017 جىلعا ارنالعان بولجامدى جوسپار ورىندالدى، جينالعان سالىقتار مەن تولەمدەر وتكەن جىلدىڭ وسى كەزەڭىمەن سالىستىرعاندا 8،1 ملرد. تەڭگەگە ارتىپ، ٴوسۋ قارقىنى 112،6 پايىزدى قۇرادى. وتكەن جىلى 1 مىڭنان استام سالىقتىق تەكسەرۋلەر جۇرگىزىلىپتى. ناتيجەسىندە قازىناعا 2 ملرد تەڭگەدەن استام قوسىمشا سالىق ەسەپتەلىنگەن، سونىڭ 457،4 ملن تەڭگەسى ٴوندىرىپ الىنعان»، - دەدى دانيار ەرەنعالي ۇلى.

دەپارتامەنت باسشىسى الكوگول ونىمدەرىنىڭ زاڭسىز اينالىمى بويىنشا 6 قىلمىستىق ٴىس سوتقا جىبەرىلگەنىن حابارلادى. جالپى 2017 جىلى زاڭسىز اينالىمنان بارلىعى 1 ملن 306 مىڭ بىرلىك الكوگول ٴونىمى تاركىلەنگەن. كونترافاكتىلىك ديسكىلەر جانە جالعان اقشا بەلگىلەرىن ٴوندىرۋ سەحتارى دا انىقتالىپتى.

«2 000-نان استام كونترافاكتىلىك ديسكىلەر تاركىلەندى، قىلمىستىق ىستەر سوتقا جىبەرىلدى، كونترافاكتىلىك ديسكىلەر جويىلدى. مۇناي جانە مۇناي ونىمدەرىنىڭ زاڭسىز اينالىمى سالاسىندا 3 قىلمىستىق ٴىس سوتقا جولداندى، 8،4 ملن. تەڭگەنىڭ 76،5 توننا بيتۋم ٴونىمى تاركىلەندى. قىلمىستىق ىستەر بويىنشا كەلتىرىلگەن زيان سوماسى 1،6 ملرد. تەڭگەنى قۇرادى، سونىڭ 127،7 ملن. تەڭگەسى ٴوندىرىلدى، تۇتقىندالعان مۇلىك سوماسى – 1،6 ملرد. تەڭگە»، – دەدى ول.

ٴباسپاسوز ٴماسليحاتىندا وبلىستىڭ سىرتقى ساۋدا اينالىمى 2016 جىلمەن سالىستىرعاندا 24 پايىزعا ارتىپ، 400 ملن. اقش دوللارىن قۇراعانى ايتىلدى. ساۋدا اينالىمى ۇلەسىنىڭ 81 پايىزى ەكسپورت، ال يمپورت كولەمى – 19 پايىز. دانيار جانالينوۆ دەپارتامەنتتەگى سىبايلاس جەمقورلىق كورىنىستەرىنىڭ الدىن-الۋعا باعدارلانعان جۇمىستار جايىنا دا توقتالدى.

«بۇگىنگى بريفينگكە بارىپ، ريزا بولدىم. جيىن باستان-اياق قازاق تىلىندە ٴوتتى. مەملەكەتتىك كىرىستەر دەپارتامەنتىنىڭ جەتەكشىسى دانيار جانالينوۆ بايانداماسىن دا، تىلشىلەردىڭ سۇراقتارىنا دا مەملەكەتتىك تىلدە جاۋاپ بەردى. ادەتتە ٴۇش سويلەم قازاقشا، كەيىن 30 مينۋت ورىسشا بولاتىن جيىندارعا ۇيرەنىپ قالىپپىز. جالپى "ايۋعا ناماز ۇيرەتكەن – تاياق" دەيدى عوي. ەلباسى قامشىلاعاسىن ٴتىلدى ۇيرەنىپ جاتىر. ال، دانيار جانالينوۆ مىرزا جارادى، ٴبىرىنشى رەت بريفينگ مەملەكەتتىك تىلدە ٴوتتى. قالعان جەتەكشى، باسشىلار وسى جولدان تايماسا ەكەن»، - دەيدى «qyzyljar» وبلىستىق تەلەارناسىنىڭ رەداكتورى گۇلنار سايلاۋقىزى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي