BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

«قىزىلجار سۋ» مەكەمەسى بورىشكەرلەردىڭ كارىز جۇيەسىن بىتەپ تاستادى

فوتو: ZhambylNews.kz

پەتروپاۆل تۇرعىندارى قالانى اۋىز سۋمەن قامتاماسىز ەتەتىن «قىزىلجار سۋ» سەرىكتەستىگىنە تولەيتىن كوممۋنالدىق قارىزى 10 ميلليون تەڭگەدەن اسىپ كەتكەن. كومپانيا بورىشىن ٴوندىرىپ الۋ ماقساتىندا بەرەشەگىن وتەمەيتىن تۇرعىنداردىڭ كارىز جۇيەسىن جاپپاي بىتەپ جاتىر، دەپ حابارلايدى «baq.kz» ايماقتاعى ٴتىلشىسى.

ٴتۇرلى ەسكەرتۋلەر مەن تۇبىرتەكتەر ناتيجە بەرمەگەن سوڭ، «قىزىلجار سۋ» جشس وسىنداي ادىسكە كوشكەن. كوپ ۋاقىتتان بەرى كوممۋنالدىق قىزمەت تولەمىن وتەمەي جۇرگەن تۇرعىنداردىڭ پاتەرىندە «كروت» ارنايى اپپاراتىنىڭ كومەگىمەن كارىز جۇيەسى جابىلادى. وسى امالدىڭ ارقاسىندا جىل باسىنان بەرى كومپانيا ٴوز تۇتىنۋشىلارىنان 5 ميلليون تەڭگە قارىزىن ٴوندىرىپ العان.

«بورىشكەرلەردىڭ پاتەرىنىڭ كارىز قۇبىرلارىنا بەينەكامەرالاردىڭ كومەگىمەن ارنايى اپپارات ورناتامىز. ول قۇبىردى بىتەپ تاستايدى. مۇنداي پاتەردىڭ تۇرعىندارى سۋدى پايدالانا الادى، ال كارىز جۇيەسىن قولدانۋ مۇمكىندىگىنەن ايرىلادى. امالى قۇرىعان سوڭ، ەبىن تاۋىپ، قارىزىن وتەيدى. بۇل جۇيەنىڭ پايداسىن كورە باستادىق»، - دەيدى «قىزىلجار سۋ» جشس باس مامانى باۋىرجان ٴتاجين.

«قىزىلجار سۋ» سەرىكتەستىگى وتكەن جىلى كارىز جۇيەسىن جابۋعا ارنالعان ەكى اپپارات ساتىپ العان. وسى ۋاقىتقا دەيىن قۇرىلعى ٴوز قۇنىن ەسەلەپ وتەپتى. ويتكەنى كوممۋنالدىق قىزمەت اقىسىن تولەمەي جۇرگەن تۇتىنۋشىلار ۇيىندەگى كارىز جۇيەسى بىتەلگەن كەزدە قارىزدارىن تولەپ ىتىرۋگە اسىعادى. ٴبىراق، مۇنداي شارا بورىشكەرلەردىڭ بارىنە بىردەي قولدانىلا بەرمەيدى.

«تۇتىنۋشىلاردىڭ قارىز مولشەرى 10 ميلليون تەڭگەدەن اسىپ كەتتى. بۇل كورسەتكىش اي سايىن وزگەرىپ تۇرادى. بورىشكەرلەردەن قارىزىمىزدى ٴوندىرۋ ٴۇشىن ٴتۇرلى شارا قولدانامىز. الدىمەن ەسكەرتۋ جاسايمىز، ونى ەلەمەسە، سوتقا بەرەمىز. 3 ايدان استام ۋاقىت بويى قارىزىن تولەمەي جۇرگەندەرگە «كروت» اپپاتارىن قولدانامىز»، - دەيدى «قىزىلجار سۋ» جشس تۇتىنۋشىلارمەن جۇمىس جونىندەگى ٴبولىم باسشىسى.

ٴقازىر پەتروپاۆلداعى بورىشى ەڭ كوپ تۇتىنۋشىنىڭ قارىز سوماسى 200 مىڭ تەڭگەدەن اسىپ كەتكەن. 2017 جىلدان بەرى «قىزىلجار سۋ» جشس ماماندارى ارنايى اپپاراتتىڭ كومەگىمەن 350 پاتەردىڭ كارىز جۇيەسىن بىتەگەن. سونىڭ ارقاسىندا كومپانيا الاشاعىنىڭ ٴبىراز بولىگىن ٴوندىرىپ العان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي