BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قىزىلجار ٴوڭىرارالىق حv فورۋمعا قىزۋ دايىندالۋدا

فوتو: автор

سولتۇستىك قازاقستان، baq.kz ٴتىلشىسى. ساناۋلى كۇندەردەن كەيىن پەتروپاۆلدا قازاقستان مەن رەسەي ٴوڭىرارالىق ىنتىماقتاستىعىنىڭ حv فورۋمى باستالادى. ەكى ەلدىڭ باسشىلارى قاتىساتىن القالى جيىنعا قوس مەملەكەتتىن 200-گە جۋىق باق وكىلدەرى مەن 600 دەلەگات كەلەدى دەپ كۇتىلۋدە.

نۇرسۇلتان نازاربايەۆ پەن ۆلاديمير ٴپۋتيننىڭ قاتىسۋىمەن وتەتىن پلەنارلىق وتىرىس، بيىل بوي كوتەرگەن وقۋشىلار سارايىندا وتپەك. ٴقازىر پەتروپاۆلدا تاريحي وقيعاعا قىزۋ دايىندىق ٴجۇرىپ جاتىر.

فورۋمعا كەلەتىن قوناقتاردى قارسى الۋ ٴۇشىن قىسقا عانا مەرزىمدە قىزىلجاردا جاڭا نىساندار بوي كوتەردى. جاسىل جەلەك وتىرعىزىلىپ، قالا جاڭا كەيىپكە ەندى. قاراشانىڭ ٴ8-ى كۇنى مەيماندار تۋريزمگە ارنالعان كورمەنى تاماشالايتىن بولادى. كوپشىلىك نازارىنا قازاقستان مەن رەسەيدىڭ ٴتۇرلى سالاداعى بايلانىسىن بەينەلەيتىن 40 ەكسپونات قويىلادى. كورمەنى ەكى مەملەكەت وكىلدەرى بىرلەسىپ ازىرلەيدى. وسى شارا شەڭبەرىندە قالا تۇرعىندارى مەن قوناقتارى گاللوگرافيالىق شوۋ تاماشالاۋعا مۇمكىندىك الادى. ال پانەلدى سەسسيالاردا ەكى مەملەكەتتىڭ تۋريستتىك الەۋەتى جايلى باياندامالار وقىلىپ، بىرلەسكەن جوبالار قابىلداۋ جوسپاردا بار.

«وقۋشىلار سارايىندا پلەنارلىق وتىرىس وتەدى. وندا كوتەرىلەتىن باستى تاقىرىپ – ٴتۋريزمدى دامىتۋ. وعان ەكى مەملەكەتتىڭ باسشىلارى قاتىسادى. ٴبىزدىڭ وبلىسىمىزدان شالقار-يمانتاۋ دەمالىس ورىنى جايلى باياندالاتىن بولادى. سەبەبى بۇل ورىن ەڭ ۇزدىك 10 دەمالىس ورنىنىڭ تىزىمىندە. بۇل كۋرورتتىق ايماق بولاشاقتا دامىپ، بۋراباي سياقتى ۇلكەن سۇرانىسقا يە بولادى. ارينە بۇل فورۋم ٴبىزدىڭ ەلىمىز جانە قالامىز ٴۇشىن جاڭا مۇمكىندىكتەر اشادى. ەڭ الدىمەن تۋريزم سالاسىن دامىتۋعا سەپتەسەدى. سونىمەن قاتار ٴوزارا تاجريبە الماسۋعا مۇمكىندىك تۋادى. ىنتىماقتاستىعىمىزدى ودان ٴارى نىعايتامىز. سەبەبى ٴبىزدىڭ وڭىرگە رەسەيدەن كەلەتىن تۋريستەر كوپ. رەسپۋبليكالىق ماڭىزى بار جولدار جوندەۋدەن ٴوتتى. وسى جىلدىڭ وزىندە شالقار-يمانتاۋ دەمالىس ورنىنا جەتۋ ۋاقىتى 30 پايىزعا ازايعان. وسىنىڭ ارقاسىندا بيىل كەلگەن تۋريستەردىڭ سانى ەكى ەسەگە كوبەيگەن»، - دەيدى سولتۇستىك قازاقستان وبلىسى اكىمىنىڭ ورىنباسارى داۋرەن جانداربەك.

سونىمەن قاتار كورمەدە شەتەلدىك قوناقتار قازاقستاننىڭ تۋريزم سالاسىنداعى دەڭگەيىمەن، ەلىمىزدەگى ەڭ ۇزدىك 10 دەمالىس ورنىمەن تانىسا الادى. وزىق تەحنالوگيالاردىڭ كومەگىمەن، اتاپ ايتقاندا 3د كوزىلدىرىك، تەلەديدار ارقىلى بولاشاقتا بۇل سالانىڭ قالاي داميتىنىن، قانداي وزگەرىستەردىڭ بولاتىنىن كورە الادى.

«سولتۇستىك قازاقستان وبلىسى – كوركەم تابيعاتىمەن ەرەكشەلەنەدى. بىزدە دەمالۋعا ارنالعان ورىندار بارشىلىق. بۇگىنگى كۇنى تۋريستىك باعىن ٴوڭىردىڭ الەۋمەتتىك-ەكونوميكالىق دامۋىنىڭ قوزعاۋشى كۇشىنە اينالىپ كەلەدى. يمانتاۋ – جىلىنا 12 اي دەمالۋعا بولاتىن ايماق. فورۋم – وڭىردەگى تۋريستيك يندۋستريانى دامىتۋعا كۇشتى سەرپىن بەرەدى دەگەن ويدامىن»، - دەيدى سقو تۋريستىك قاۋىمداستىعىنىڭ ٴتوراعاسى ۆلاديمير ۆيتچەنكو.

فورۋمنىڭ ارنايى سايتىندا ەكى مىڭنان استام ادام تىركەلگەن. مەيماندارعا وبلىسىمىزدىڭ ونەر ۇجىمدارى كونسەرتتىك باعدارلامالارىن ازىرلەسە، مۋزەي-كەشەندەردە ٴتۇرلى كورمەلەر ۇيىمداستىرىلادى. فورۋم وتەتىن كۇندەرى قوعامدىق ٴتارتىپ پەن قاۋىپسىزدىكتى پوليسيا جاساقتارى قامتاماسىز ەتەدى. سونداي-اق مەيمانداردى قارسى الىپ، ولارعا قىزمەت ەتەتىن 180 ەرىكتى دايىن. ولار شەت تىلدەردى بىلەتىن، پسيحولوگيالىق جانە فيزيولوگيالىق تۇرعىدان ارنايى دايىندىقتان وتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي