BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

قىزىلوردالىقتار مال وتكەلدەرىنىڭ جوقتىعىنان زارداپ شەگەدى – دەپۋتات 

«نۇر وتان» فراكسياسىنىڭ مۇشەسى، ٴماجىلىس دەپۋتاتى گەنناديي شيپوۆسكيح «باتىس قىتاي-باتىس ەۋروپا» حالىقارالىق ترانزيتتىك اۆتوجولىنىڭ بويىنداعى ەلدى مەكەن تۇرعىندارى مال وتكەلدەرىنىڭ ازدىعىنان زارداپ شەگەتىنىن ايتتى، دەپ حابارلايدى baq.kz ٴتىلشىسى.

«لوگيستيكالىق كوميسسيانىڭ مۇشەسى رەتىندە قىزىلوردا وبلىسىنىڭ جول جەلىسىنە جاۋاپتىمىن. 9-19 شىلدە ارالىعىندا ٴبىز وڭىرلەرگە بارىپ سايلاۋشىلارمەن كەزدەسكەن بولاتىنبىز. كەزدەسۋ بارىسىندا «باتىس قىتاي-باتىس ەۋروپا» اۆتوجول جەلىسىمەن قاتىناپ جۇردىك. ونىڭ ىشىندە ايتار بولساق سوناۋ جاڭاقورعان اۋدانىنان باستاپ ارال اۋدانىنا دەيىن ۇزاقتىعى 812 كم قۇرايدى»، - دەدى دەپۋتات.

ول حالىقارالىق ترانزيتتىك اۆتوجولدىڭ ساپاسى «كەرەمەت» ەكەنىن، الايدا جول بويىنداعى ەلدى مەكەندەردە تۇيتكىلدى ماسەلە بارىن اتاپ ٴوتتى.

«جالاعاش، قارماقشى، ارال، قازالى اۋداندارىنداعى ماسەلەلەردىڭ ٴبىرى ول – مالوتكەلدەرىنىڭ جوقتىعى. بۇل ۇلكەن ماسەلە، سەبەبى ٴدال سول جول بويىندا ٴجۇرۋ جەلىسى وتە ينتەنسيۆتى تۇردە ٴجۇرىپ جاتىر جانە مال سانى وتە كوپ. اۆتوكولىك پەن مالدىڭ سوقتىعىسۋ وقيعاسى كوپ تىركەلەدى. ودان ماشينا دا، مال دا، ونىڭ يەسى دە زارداپ شەگەدى. بۇل ماسەلە وتە تۇيتكىلدى»، - دەدى ول.

ال قر يدم اۆتوموبيل جولدارى كوميتەتى ٴتوراعاسىنىڭ ورىنباسارى امانگەلدى بەكوۆ بۇل جوبانى جۇزەگە اسىرۋ الدىندا ەلدىمەكەن تۇرعىندارىمەن قوعامدىق تىڭداۋ وتكەنىن اتاپ ٴوتتى.

«ٴار ەلدىمەكەندى تىڭداپ، ولاردىڭ ۇسىنىسىمەن مالوتكەلدەرىن جاسايمىز دەپ شەشتىك. ياعني قازىرگى كۇنى مۇنداي وتكەلدەر ٴار ەلدىمەكەندە بار»، - دەپ جاۋاپ بەردى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي