BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

قىزىلوردالىق وقۋشىلار «ششەلكۋنچيك» قويىلىمىن نەمىسشە كورسەتتى

استانا، baq.kz. قىزىلوردا قالاسىنداعى نازاربايەۆ زياتكەرلىك مەكتەبىنىڭ ٴبىر توپ وقۋشىلارى «نەمىس ٴتىلى ساحنادا» اتتى ٴداستۇرلى جاستار فەستيۆالىنە قاتىسىپ، گوفماننىڭ «شەرتكىش» («ششەلكۋنچيك») شىعارماسى بويىنشا دايىنداعان تەاترلاندىرىلعان قويىلىم كورسەتتى.

2-4 قاراشا كۇندەرى الماتىدا قازاقستان گەتە-ينستيتۋتى مەن رەسپۋبليكالىق نەمىس دراما تەاترىمەن بىرلەسىپ ۇيىمداستىرعان «نەمىس ٴتىلى ساحنادا» اتتى ٴىv جاستار فەستيۆالى وتكىزىلگەن بولاتىن. شاحتينسك، قوستاناي، كوكشەتاۋ جانە تاراز قالالارىنىڭ تەاترلاندىرىلعان توپتارىمەن بىرگە ۇلكەن ساحنادا قىزىلورداداعى نازاربايەۆ زياتكەرلىك مەكتەبىنىڭ وقۋشىلارى ونەر كورسەتتى. بۇل بالالار - «ەكىنشى شەت ٴتىلى» باعدارلاماسى بويىنشا مەكتەپتە نەمىس ٴتىلىن مەڭگەرىپ جۇرگەن جاستار.

بايقاۋعا ەرنست تەودور امادەي گوفماننىڭ «شەرتكىش» («ششەلكۋنچيك») حيكاياتىن ۇسىندى. عاجايىپ وقيعانى نەمىس تىلىندە ساحنالاعان جاس اكتەرلەر كەيىپكەرلەردىڭ سەزىمدەرى مەن ەموسيالارىن كورەرمەندەرگە شەبەر جەتكىزە ٴبىلدى.

«بۇل سپەكتاكلگە ٴبىر اي دايىندالدىق. شىعارمانى نەمىس تىلىندە وقىپ، سوزدەرىن جاتتادىق. قاجەتتى كومپوزيسيا ىزدەپ، بي ازىرلەدىك. ٴوز قولىمىزبەن كوستيۋم، ساحناعا دەكاراسيا جاسادىق»، - دەيدى تەاتر مۇشەسى، قىزىلورداداعى نازاربايەۆ زياتكەرلىك مەكتەپتىڭ 12-سىنىپ وقۋشىسى دينارا ەسەت.

بيىل فەستيۆال باعدارلاماسى بويىنشا حورەوگرافيا، ٴان ايتۋ جانە مۋزىكالىق اسپاپتارمەن ويناي الۋ باعىتتارىنا ەرەكشە كوڭىل ٴبولىندى. تىلدىك داعدىلارمەن قاتار ٴادىل-قازىلار قاتىسۋشى توپتاردىڭ ساحنا كوستيۋمدەرىن، قويىلىمنىڭ ديزاينى، سپەكتاكلدىڭ مۋزىكالىق سۇيەمەلدەۋىن باعالادى.

«نەمىس تىلىندە ۇلكەن ساحنادا العاش رەت ونەر كورسەتكەندىكتەن، ساحناداعى ٴتۇرلى قوبالجۋلار بالالاردىڭ ٴبىرىنشى ورىندى يەلەنۋىنە كەدەرگى بولدى. دەگەنمەن قاتىسۋشىلار نەمىس تەاترىنىڭ كاسىبي ارتىستەرى، حورەوگروفتارى مەن رەجيسسەرلارىنىڭ شەبەر-سىنىپتارىنا قاتىسىپ، جاڭا ٴبىلىم الدى»، - دەيدى سپەكتاكل جەتەكشىسى قىزىلورداداعى نازاربايەۆ زياتكەرلىك مەكتەبىنىڭ نەمىس ٴتىلى ٴپانىنىڭ ٴمۇعالىمى انار پرماحانوۆا.

بايقاۋدىڭ قورىتىندىسى بويىنشا اكتەرلىك شەبەرلىكتەرىمەن ەرەكشەلەنگەن قىزىلوردالىق ورەندەر فەستيۆالدا بەلسەندىلىك تانىتقانى ٴۇشىن ارنايى ديپلومدارمەن ماراپتتالدى

سونىمەن قاتار نەمىس ٴتىلىن ۇيرەنۋگە مۇددەلى مىڭداعان الەمدىك مەكتەپتەردىڭ باسىن قوسقان pasch - حالىقارالىق وقۋ قاۋىمداستىعى قىزىلورداداعى نازاربايەۆ زياتكەرلىك مەكتەبىنە قىزىعۋشىلىق تانىتىپ، قۇرامىنا ەنۋ تۋرالى ۇسىنىس جاسادى. «مەكتەپتەر: بولاشاق سەرىكتەستەر» باعدارلاماسىنىڭ مۇشەلىگىنە ەنۋ ارقىلى مەكتەپتەردە نەمىس ٴتىلىن ۇيرەنۋشىلەرگە قولداۋ كورسەتۋ، وقۋشىلاردىڭ تاجىريبە الماسۋ باعدارلامالارىنا قاتىسۋ جانە جاستارعا ارنالعان حالىقارالىق كۋرستارعا قاتىسۋ سەكىلدى ۇلكەن مۇمكىنىدىكتەرگە قول جەتكىزەدى.

ايتا كەتەيىك، نازاربايەۆ زياتكەرلىك مەكتەبىندە نەمىس ٴتىلىن وقىتۋ وتكەن جىلدان باستاپ قولعا الىنعان. «ەكىنشى شەتەل ٴتىلى» باعدارلاماسىنا سايكەس وقۋشىلار اعىلشىن تىلىمەن قاتار نەمىس، قىتاي جانە كارىس تىلدەرىن مەڭگەرۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي