BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قىزىلوردالىق كاسىپكەر جۇزدەن استام مۇگەدەكتى جۇمىسپەن قامتىپ وتىر

فوتو: Автор

قىزىلوردا، baq.kz ٴتىلشىسى. «ۇشقىن» قىزىلوردا مۇگەدەكتەرىنىڭ وقۋ-وندىرىستىك كاسىپورىنىندا جۇزدەگەن مۇمكىندىگى شەكتەۋلى ادام تۇراقتى جۇمىسپەن قامتىلعان.

كاسىپورىن باسشىسى باقىت جۇماشەۆتىڭ ايتۋىنشا، مۇندا تروتۋارلىق پليتكالار، جول جيەك تاستارى، پلاستيكالىق تەرەزە، ەسىك جانە ۆيتراجدار، كەز كەلگەن وفيستىك جانە ۇيگە ارنالعان جيھاز ونىمدەرى وندىرىلەدى. بۇعان قوسا، سىرتقى جارناما قىزمەتىنىڭ بارلىق تۇرلەرى، ٴارتۇرلى پوليگرافيالىق ونىمدەردى باسىپ شىعارۋ مەن كلينينگتىك قىزمەتتەر، كومپيۋتەرلىك، پەريفەرييلىك قۇرىلعىلاردى جوندەۋ جۇمىستارىمەن اينالىسادى. ٴتىپتى، الماتى، ساتبايەۆ قالالارىندا فيليالىن اشىپ ۇلگەرگەن. بيىلعى جىلدىڭ 9 ايىنىڭ وزىندە «ۇشقىن» 331 مەملەكەتتىك ساتىپ الۋ كونكۋرسىنا قاتىسىپ، 342،6 ميلليون تەڭگەنىڭ تاپسىرىسىن ورىنداعان.

«باستاپقىدا «ۇشقىن» قوعامدىق بىرلەستىك رەتىندە قۇرىلعان. ٴبىر جىلدان كەيىن، ياعني 2013 جىلى مۇگەدەك جانداردى كاسىپكە باۋلىپ، شارۋاعا تارتۋ ماقساتىندا جاۋاپكەرشىلىگى شەكتەۋلى سەرىكتەستىك بولىپ قايتا اشىلدى. جىل وتكەن سايىن كاسىبىمىزدى كەڭەيتىپ وتىردىق. قازىرگى تاڭدا قوسىمشا پاۆلوۆنيا اعاشىنىڭ كوشەتىن وتىرعىزۋمەن اينالىسىپ جاتىرمىز. سەرىكتەستىككە تيەسىلى جەر بار، سوندا رەسەيدەن ارنايى تاپسىرىسپەن الىنعان ەرەكشە اعاشتىڭ 1700 كوشەتى وتىرعىزىلدى. نەگە بۇل اعاشقا نازارىمىز اۋدى؟ سەبەبى، ونى ساپالى جيھاز جاساۋعا، تابيعي وتىن رەتىندە پايدالانۋعا بولادى. سونداي-اق، جاعىمسىز ٴيىستى – كارىز جۇيەسىنەن، قوقىستان پايدا بولاتىن ٴيىستى تازارتادى»، – دەيدى باقىت جۇماشەۆ.

بايقاعانداي، «ۇشقىننىڭ» جۇمىسى اۋقىمدى. بۇگىندە سەرىكتەستىكتە 211 ادام جۇمىس ىستەيدى، ونىڭ 119-ى – مۇمكىندىگى شەكتەۋلى ازامات. سوندىقتان جۇمىس ۋاقىتى دا جەڭىلدەتىلگەن.

ۇيىمداعى تاسى ورگە باسقان سالانىڭ ٴبىرى – تىگىن تىگۋ جانە ٴپىشۋ شەبەرحاناسى. مۇندا قىز جاساۋى، توسەك قاپتامالارى، كورپە، جاستىقتان بولەك ۇلتتىق كيىمدەرگە دەيىن تاپسىرىس قابىلدايدى. بۇيىمداردى دايىندايتىن 17 شەبەر ەڭبەك ەتۋدە. سولاردىڭ ٴبىرى – ٴۇش جىل بۇرىن جۇرەكتەن ينسۋلت الۋ سالدارىنان ارباعا تاڭىلعان نەسىبەلى ٴمۇسىلىموۆا.

«ەڭبەكپەن قامتۋ باعدارلاماسى اياسىندا 3 اي وقۋ كۋرسىنان ٴوتىپ، وسىندا كەلدىم. ٴقازىر ٴوز شەبەرلىگىمدى شىڭداپ، ٴتۇرلى قيىندىقتاعى بۇيىمدار تىگەمىن. ايلىق جالاقىم دا ۋاقىتىلى. ۇيىمنەن ارنايى كولىكپەن قاتىنايمىن. ٴبىزدىڭ قاجەتتىلىگىمىزبەن ساناسىپ، جاعدايىمىزدى جاساپ وتىرعان سەرىكتەستىك باسشىسى باقىت جۇماشوۆ پەن وبلىستىق مۇگەدەكتەر قوعامىنىڭ ٴتوراعاسى مۇرات جۇمادىلدايەۆقا ايتار العىسىمىز شەكسىز»، – دەيدى ول.

مۇمكىندىگى شەكتەۋلى جانداردى تىرشىلىككە ارالاستىرعان، ومىرگە قۇشتارلىعىن وياتقان ىسكەر ازامات باقىت جۇماشەۆتىڭ العا قويعان جوسپارى كوپ.

«بولاشاقتا كۇن ەنەرگياسىنان قۋات الاتىن تەرەزەلەر دايىنداساق دەگەن ويىمىز بار. باتىس قىتاي-باتىس ەۋروپا تاس جولىنىڭ بويىنا جەلدەن ەنەرگيا الاتىن قۇرىلعىلار قويۋدى دا جوسپارلاپ وتىرمىز. ول ٴۇشىن الماتى قالاسىنداعى تاڭداۋلى وقۋ ورىندارىمەن مۇگەدەك جانداردى وقىتۋ مۇمكىندىكتەرىن قاراستىرۋدامىز. وسى جوسپارلار جۇزەگە اسسا، تاعى دا كوپتەگەن مۇگەدەك جانداردى جۇمىسپەن قامتيتىن بولامىز. شىنى كەرەك، ەرەكشە قاجەتتىلىكتەرى بار ادامداردىڭ كوپشىلىگىنە جۇمىسقا ورنالاسۋ قيىن. سونى ەسكەرىپ، ولاردىڭ تابىس تاۋىپ، ٴوز وتباسىلارىن اسىراۋىنا جاعداي جاساپ، كومەكتەسە بەرەتىن بولامىز. ٴارى ەلىمىزدىڭ داۋلەتىن ارتتىرۋعا ۇلەسىمىزدى قوسامىز، – دەدى باقىت تولەۋتاي ۇلى.

ايتا كەتەيىك، "ۇشقىن" قىزىلوردا مۇگەدەكتەرىنىڭ وقۋ-وندىرىستىك كاسىپورنى" جشس قۇرامىنا "قازاق سوقىرلار قوعامىنىڭ"، "قازاق ساڭىراۋلار قوعامىنىڭ" قىزىلوردا، ارال، قازالى، سىرداريا اۋداندارى مەن جوسالى كەنتىندەگى فيليالدارى، سونداي-اق "جىگەر" قىزىلوردا وبلىسى مۇگەدەكتەرىنىڭ جشس كىرەدى.

سونىمەن قاتار، سەرىكتەستىكتىڭ ايتۋلى قىزمەتى ەلەۋسىز قالعان ەمەس. 2013 جىلى رەسپۋبليكالىق «ٴبارىمىز بىردەيمىز، كەمسىتۋدى بىلمەيمىز» بايقاۋىندا «ەڭ ۇزدىك الەۋمەتتىك جوبا» نوميناسياسى بويىنشا ەكىنشى ورىن العان. بيىل «جىلدىڭ ۇزدىك ۇيىمى» اتاندى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي