BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قىزىلورداداعى 22 جاتاقحانانىڭ 18-نە كۇردەلى جوندەۋ قاجەت

قىزىلوردا وبلىستىق مەملەكەتتىك ساۋلەت-قۇرىلىس باقىلاۋى باسقارماسىنىڭ باسشىسى مارسبەك مولدابايەۆتىڭ ايتۋىنشا، وبلىستاعى 22 جاتاقحانا تەكسەرۋدەن وتكىزىلدى، دەپ حابارلايدى baq.kz اقپارات اگەنتتىگى.

بۇگىن تۇرعىنداردىڭ قاۋىپسىزدىگىن قامتاماسىز ەتۋ جانە توتەنشە جاعدايلاردى بولدىرماۋ ماقساتىندا قۇرىلعان كوميسسيا ايماقتاعى جاتاقحانالاردىڭ جاعدايىن تەكسەرۋگە قاتىستى اتقارعان جۇمىسىنىڭ قورىتىندىسىن جاريالادى.

"قالادا ورنالاسقان جاتاقحانالاردىڭ تەحنيكالىق جاعدايىن اككرەديتاسيادان وتكەن 4 مەكەمە جانە مەملەكەتتىك ورگانداردىڭ باسشىلارىنان قۇرىلعان كوميسسيا تەكسەردى. تەكسەرۋ بارىسىندا 22 جاتاقحانانىڭ ٴ3-نىڭ جاعدايى جاقسى، 18 كۇردەلى جوندەۋدى قاجەت ەتەتىنى انىقتالسا، تيتوۆ قىستاعىنداعى №32 جاتاقحانا اپاتتى دەپ تانىلدى. قالا اكىمدىگى مەن جۇمىس كوميسسياسى بىرلەسىپ اتالعان جاتاقحاناعا قاتىستى ٴتيىستى جۇمىستار اتقارىپ جاتىر"، - دەدى مارسبەك مولدابايەۆ.

كوميسسيا جۇمىسىنىڭ قورىتىندىسىنا سايكەس 18 جاتاقحاناعا قاتىستى شىعارىلعان شەشىم قىزىلوردا قالاسى اكىمدىگىنە جولداندى.

"مۇنان سوڭ، قالا اكىمدىگى «تۇرعىن ٴۇي كوممۋنالدىق شارۋاشىلىعىن جاڭعىرتۋ» باعدارلاماسى اياسىندا بۇل جاتاقحانالاردى كۇردەلى جوندەۋدەن وتكىزۋ باعىتىنداعى شارالاردى اتقارادى. دەگەنمەن، بۇل ٴۇشىن تۇرعىنداردىڭ 75 پايىزىنىڭ كەلىسىمى بولۋى كەرەك. ەستەرىڭىزگە سالا كەتسەك، قازاقستان رەسپۋبليكاسىنىڭ «تۇرعىن ٴۇي قاتىناستارى» تۋرالى زاڭىنىڭ 50-بابىنىڭ 1 تارماعىنا سايكەس ٴۇي-جايلاردىڭ (پاتەرلەردىڭ) مەنشىك يەلەرi كوندومينيۋم وبەكتىسىنىڭ ورتاق مۇلكىن كۇتىپ-ۇستاۋعا جۇمسالاتىن شىعىستارعا قاتىسۋعا مىندەتتى. ياعني كۇردەلى جوندەۋ جۇمىستارىنىڭ شىعىنىن وتەۋ پاتەر يەلەرىنە جۇكتەلەدى"، - دەپ اتاپ ٴوتتى مارسبەك مولدابايەۆ.

سونىمەن قاتار، كوميسسيا اۋداندارداعى جاتاقحانالاردى دا تەكسەرۋدەن وتكىزدى.

قازالى اۋدانىندا 4 جاتاقحانا بار، ولاردىڭ جاعدايى جاقسى.

قارماقشى اۋدانىنداعى 1976 جىلى سالىنعان 150 ورىندىق جاتاقحانا 2015 جىلدىڭ ناۋرىز ايىندا اپاتتى دەپ تانىلعان. قازىرگى كەزدە بۇل عيمارات بوس تۇر.

جالاعاش اۋدانىنداعى 50 ورىندىق يندۋستريالدى-اگرارلىق كوللەدج جاتاقحاناسىنىڭ جاعدايى جاقسى دەپ تانىلعان.

جاڭاقورعان اۋدانىنداعى اگرارلى-تەحنيكالىق كوللەدجىنىڭ جاتاقحاناسى دا قالىپتى جاعدايدا.

شيەلى اۋدانىنداعى 240 ورىندىق يندۋستريالدى-اگرارلىق كوللەدجگە 2017 جىلى كۇردەلى جوندەۋ جۇرگىزىلگەن، قازىرگى كەزدە ونىڭ جاعدايى جاقسى.

ەستەرىڭىزگە سالا كەتسەك، وبلىس اكىمى قىرىمبەك كوشەربايەۆتىڭ تاپسىرماسىمەن 2018 جىلدىڭ 2 ناۋرىزىندا قالا جانە اۋداندارداعى جاتاقحانالاردىڭ تەحنيكالىق جاعدايىن تەكسەرۋ ٴۇشىن ارنايى كوميسسيا قۇرىلعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي