BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قىزىلوردادا جىل سوڭىنا دەيىن 12 جوبا جۇزەگە اسىرىلادى

بۇل تۋرادى قىزىلوردا وبلىسىنىڭ اكىمدىگى مەن fortebank اراسىندا ىنتىماقتاستىق تۋرالى مەموراندۋمعا قول قويۋ بارىسىندا ايتىلدى، دەپ حابارلايدى baq.kz اقپارات اگەنتتىگى.

««ەلباسىنىڭ تاپسىرماسى اياسىندا قىزىلوردا وبلىسىندا جاپپاي كاسىپكەرلىكتى دامىتۋ بويىنشا اۋقىمدى جۇمىس جۇرگىزىلۋدە. ايماقتاعى بيزنەستى دامىتۋدا ەلىمىزدىڭ ەڭ تۇراقتى ٴارى قارقىندى دامىپ كەلە جاتقان بانكتەرىنىڭ ٴبىرى fortebank تە ماڭىزدى ٴرول اتقارادى»، - دەپ اتاپ ٴوتتى قىرىمبەك كوشەربايەۆ.

ايماق باسشىسىنىڭ ايتۋىنشا 10 قازان كۇنى اشىلعان فيليالدىڭ جاڭا كەڭسەسى تۇرعىندارعا قىزمەت كورسەتۋ ساپاسىن جاقسارتىپ قانا قويماي، قالا ٴۇشىن قايتالانباس ساۋلەت كەلبەتىن بەرەتىن بولادى.

«وتكەن جىلدىڭ مامىر ايىندا ٴبىز قىزىلوردا قالاسىنداعى فيليالدىڭ قۇرىلىسىن باستادىق جانە بۇگىن ونى تانىستىرعانىمىزعا قۋانىشتىمىز. ٴبىزدىڭ كەڭسەلەرىمىز the financial brand باسىلىمىنىڭ نۇسقاسى بويىنشا الەمدەگى بانك بولىمشەلەرىنىڭ ۇزدىك ديزايندارىنىڭ قاتارىندا اتاپ ٴوتىلدى. ٴبىز جاڭا سەرۆيستەردى قۇرا وتىرىپ، يننوۆاسيالار مەن تەحنولوگيالارعا ۇلكەن كوڭىل بولەمىز، كەزەكتى بارىنشا ازايتۋعا جانە بانك پەن تۇتىنۋشىلاردىڭ ٴوزارا ٴىس-قيمىل جاساۋ ۇدەرىسىن بارىنشا جاعىمدى، جايلى جانە پايدالى ەتۋگە تىرىسامىز»، دەدى fortebank باسقارماسىنىڭ ٴتوراعاسى گۋرام اندرونيكاشۆيلي.

fortebank «بيزنەستىڭ جول كارتاسى 2020» باعدارلاماسىنىڭ بەلسەندى قاتىسۋشىسى بولىپ تابىلادى، ال قىزىلوردا وبلىسىنداعى فيليال بولىنگەن قاراجاتتى يگەرۋ قارقىنى بويىنشا بىرنەشە رەت كوشباسشى ۇشتىگىنە كىردى.

2017 جىلدىڭ قورىتىندىسى بويىنشا فيليال ماقۇلدانعان جوبالاردىڭ سانى مەن سوماسى بويىنشا وبلىستىڭ ەكىنشى دەڭگەيدەگى بانكتەرى اراسىندا ەكىنشى ورىنعا يە بولدى. 2018 جىلى فيليال 300 ملن. تەڭگەگە 9 جوبانى قارجىلاندىردى. ٴقازىر جالپى قۇنى 1 ملرد. تەڭگەدەن اساتىن 12 جوبا بار. ولار اعىمداعى جىلدىڭ سوڭىنا دەيىن قاراستىرىلىپ، ىسكە اسىرىلماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي