BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قىزىلوردادا اپاتتى دەپ تانىلعان جاتاقحانا تۇرعىندارى جاڭا پاتەر الدى

قىزىلوردا قالاسىندا 143 وتباسى جاپپاسباي باتىر كوشەسىندە ورنالاسقان جاڭا كوپقاباتتى ۇيدەن باسپانا الدى. بۇعان دەيىن ولار كوميسسيا قورىتىندىسىمەن اپاتتى دەپ تانىلعان «تيتوۆ» مولتەك اۋدانىنداعى جاتاقحانادا تۇرعان، دەپ حابارلايدى baq.kz اقپارات اگەنتتىگى.

ەسكە سالا كەتسەك، قىزىلوردا وبلىسى اكىمىنىڭ ٴباسپاسوز قىزمەتى 28 اقپان كۇنى تيتوۆ كەنتىندە ورنالاسقان كوپقاباتتى جاتاقحانانىڭ ادام تۇرمايتىن ٴبىر بولىگى قۇلاعانىن مالىمدەگەن بولاتىن. وسى وقيعادان كەيىن قالا كولەمىندە ورنالاسقان 22 جاتاقحانانىڭ جاعدايىن زەرتتەۋ ٴۇشىن ارنايى كوميسسيا قۇرىلدى. كوميسسيا قورىتىندىسى 12 ناۋرىز كۇنى جاريالاندى. تەكسەرۋ دەن وتكەن 22 جاتاقحانانىڭ 3 تەحنيكالىق جاعدايى جاقسى، 18 قاناعاتتانارلىق، ٴبىراق جوندەۋدى قاجەت ەتەتىن، ال تيتوۆ كەنتىندەگى №32 جاتاقحانا اپاتتى دەپ تانىلدى.

وبلىس اكىمى ق.كوشەربايەۆ جاڭا پاتەر كىلتتەرىن تابىستاپ، تۇرعىندارىن كەلە جاتقان ناۋرىز مەرەكەسىمەن قۇتتىقتادى.

«بۇگىن ٴبىز جاسامپازدىق مەرەكەسى - ناۋرىز مەيرامى قارساڭىندا قالا تۇرعىندارىنا مەرەكەلىك تارتۋ رەتىندە كەزەكتى تۇرعىن ٴۇيدى پايدالانۋعا بەرگەلى تۇرمىز. بۇگىنگى كۇنى كوميسسيا قورىتىندىسىمەن تيتوۆ كەنتىندەگى №32 جاتاقحانا اپاتتى دەپ تانىلىپ وتىر. جاڭا قونىستارىڭىز قۇتتى بولسىن! ٴىشى ٴسابيدىڭ كۇمىس كۇلكىسىنە تولىپ، قۇت-بەرەكەلى مەكەندەرىڭىز بولسىن. جالپى، تۇرعىن ٴۇي قۇرىلىسى سالاسىنداعى ەڭ ۇلكەن جەتىستىگىمىز - 2017 جىلدان باستاپ قىزىلوردا قالاسىنىڭ باس جوسپارىنا سايكەس سىرداريا وزەنىنىڭ سول جاعالاۋىنان جاڭا قالانىڭ قۇرىلىسىن باستادىق. بيىل ەلوردامىز – استانا قالاسىنىڭ 20 جىلدىعى مەن قىزىلوردا قالاسىنىڭ 200 جىلدىعىنا باستى تارتۋ رەتىندە قىزىلوردا قالاسىنىڭ سول جاق جاعالاۋىنداعى جاڭا تۇرعىن اۋداندى پايدالانۋعا بەرەمىز» - دەدى ايماق باسشىسى.

جاڭا پاتەر يەلەرىنىڭ قاتارىندا زەينەتكەرلەر، بيۋدجەتتىك سالا قىزمەتكەرلەرى، كوپ بالالى جانە از قامتىلعان وتباسىلار بار.

رايسا ەرجانوۆا تۇرعىندار اتىنان ايماق باسشىلىعىنا العىس ايتتى.

«بىزگە جاڭا ٴۇي الاسىزدار دەگەندە سەنبەگەنبىز. ماسەلەمىز ٴبىر اپتا ىشىندە شەشىلدى، ياعني، 143 وتباسى بۇگىن قونىس تويلارىن تويلاماق. جىلدام شارا قابىلداعاندارىڭىز ٴۇشىن ۇلكەن راحمەت، قۋانىشىمىزدى سوزبەن ايتىپ جەتكىزۋ مۇمكىن ەمەس. كورشىلەرىمدى قونىس تويلارىمەن، بارلىق جەرلەستەرىمدى قاۋىشۋ كۇنىمەن شىن جۇرەكتەن قۇتتىقتايمىن»، - دەدى رايسا ەرجانوۆا.

اتاپ كەتەيىك، سوڭعى 5 جىلدا قىزىلوردادا 7000 جۋىق وتباسى تۇراتىن 14 شاعىن اۋدان سالىندى. سونداي-اق، سىرداريانىڭ سول جاعالاۋىندا جاڭا قالا قۇرىلىسى باستالدى. وندا تۇرعىن ۇيلەر، «بولاشاق» ۋنيۆەرسيتەتىنىڭ ستۋدەنتتەر قالاشىعى، جاستار رەسۋرستىق ورتالىعى، رۋحاني جاڭعىرۋ ورتالىعى، بالاباقشا جانە نەكە سارايى ورنالاساتىن بولادى. ودان بولەك، جاقىن ارادا 3 شاعىن اۋداننىڭ ينجەنەرلىك ينفراقۇرىلىم نىساندارى مەن «باتىس ەۋروپا-باتىس قىتاي» اۆتوماگيسترالىنە اپاراتىن «شىركەيلى» ارناسىنان وتەتىن كوپىر قۇرىلىسى باستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي