BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

قىزىلوردا وبلىسىندا 4 كۇن ەلەكتر ستانسياسى سالىنادى

فوتو: kyzylorda.gov.kz

استانا، baq.kz. قىزىلوردا وبلىسىندا قۋاتى 140مبت بولاتىن ٴتورت كۇن ەلەكتر ستانسياسى سالىنادى. بۇل تۋرالى وبلىس اكىمدىگىنىڭ رەسمي سايتى جازدى.

قىزىلوردا قالاسىندا جانە جاڭاقورعان اۋدانىندا كۇن ەلەكتر ستانسياسى "hydroenergy" اق (بولگاريا) كومپانياسىمەن، جالاعاش اۋدانىندا - فرانسۋزدىق "total eren" جانە شيەلى اۋدانىندا "samruk kazyna – united green" جانە "اۆەلار سولار تەحنولودجي" جشق (رەسەي) كومپانيالارىمەن بىرلەسىپ سالىناتىن بولادى.

"قازىرگى تاڭدا قۋاتى 140 مۆت بولاتىن 4 كۇن ەلەكتر ستانسياسى قۇرىلىسىنىڭ دايىندىق جۇمىستارى تولىعىمەن اياقتالدى. بارلىق سۇراقتار شەشىلدى، جەر تەلىمدەرى ٴبولىندى جانە ينفراقۇرىلىم جۇرگىزىلدى. بەلگىلى بولعانداي، قىزىلوردا وبلىسى كۇن ساۋلەسى بەلسەندىلىگى جوعارى ايماقتا ورنالاسقان – جىلىنا 3000 ساعاتتان استام كۇن ساۋلەسى تۇسەدى. سونىمەن قاتار، ٴبىز جەل ەلەكتر ستانسياسىن سالۋدى جوسپارلاپ وتىرمىز"، - دەدى وبلىس اكىمىنىڭ ورىنباسارى ەۆگەنيي كيم.

فرانسيانىڭ ەلىمىزدەگى توتەنشە جانە وكىلەتتى ەلشىسى فيليپپ مارتينە "total eren" كومپانياسى 2019 جىلدىڭ قازان ايىندا ەلەكتر ستانسياسىن سالۋ جۇمىستارىن اياقتايتىنىن اتتى.

"total eren" فرانسۋز كومپانياسى قازاقستاندىق سەرىكتەستەرمەن بىرلەسىپ جالاعاشتا كۇن ەلەكتر ستانسياسىن دامىتۋعا مىندەتتەمە الدى. جۇمىستار الداعى اپتادا باستالىپ، كەلەسى جىلدىڭ قازان ايىنا دەيىن جالعاسادى"، - دەدى ەلشىسى فيليپپ مارتينە.

ەكى ەلەكتر ستانسياسىن "hydroەnergy company" بولگار كومپانياسى سالادى.

"ينۆەستورلار ٴوز جوبالارىن جۇزەگە اسىرۋ ٴۇشىن قىزىلورداعا كەلگەنىن جانە جەرگىلىكتى بيلىك ورگاندارىنىڭ قولداۋ كورسەتىپ، ينفراقۇرىلىمدى، جەردى، تەحنيكالىق جاعدايلارعا قاتىستى جوبالاردى ىسكە اسىرۋ ٴۇشىن بارلىق قاجەتتى جاعدايلار جاسايتىنىن ەرەكشە ايتا كەتەيىك"، - دەدى "hydroەnergy company" كومپانياسىنىڭ وكىلى انتون فيلەۆ.

قىزىلوردادا "جاسىل" ەكونوميكانى دامىتۋعا ارنالعان " baikonyr invest " ح ينۆەستيسيالىق فورۋمى ٴوتىپ جاتىر.

فورۋم اياسىندا پلەنارلىق وتىرىس پەن "جاسىل" ەكونوميكانىڭ جەتى نەگىزگى باعىتىن قامتيتىن 4 سەكسيانىڭ جۇمىسى ٴوتتى: "جاڭارتىلاتىن ەنەرگيا كوزدەرى بويىنشا جوبالاردى ەنگىزۋ ماسەلەلەرى، ٴتۇرعىنۇي كوممۋنالدىق شارۋاشىلىعىنداعى ەنەرگيا تيىمدىلىگى، قالدىقتاردى باسقارۋ جۇيەسىن جەتىلدىرۋ"، "سيفرلاندىرۋ. smart city"، اۋىلشارۋاشىلىق ونەركاسىپ كەشەنىندەگى "جاسىل تەحنولوگيالار"، سۋ جانە جەر رەسۋرستارىن باسقارۋ جۇيەسىن جەتىلدىرۋ"، "جاسىل ەكونوميكانى دامىتۋدا مەملەكەتتىك-جەكەمەنشىك ارىپتەستىك تەتىكتەرىن قولدانۋدىڭ جاڭا مۇمكىندىكتەرى"، سونداي-اق b2b، b2g، g2g فورماتىنداعى كەزدەسۋلەر وتۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي