BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قىزىلوردادا 6 اكىم سىبايلاس جەمقورلىق قىلمىس جاساعان

فوتو: облыс әкімдігінің баспасөз қызметі

استانا، baq.kz. 2018 جىلدىڭ باسىنان بەرى قىزىلوردا وبلىسىندا 6 اكىم سىبايلاس جەمقورلىق قىلمىس جاساعانى ٴۇشىن جاۋاپقا تارتىلعان. بۇل تۋرالى وبلىس اكىمىنىڭ ورىنباسارى ق. ىسقاقوۆتىڭ توراعالىعىمەن وتكەن ٴماجىلىس بارىسىندا ايتىلدى.

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ ۇيىمداستىرۋىمەن وتكەن جيىنعا سىبايلاس جەمقورلىققا قارسى ۇلتتىق بيۋرونىڭ وبلىستىق دەپارتامەنتى، وبلىستىق باسقارما باسشىلارى، سونداي-اق، قىزىلوردا قالاسى جانە اۋدان اكىمدەرى قاتىستى.

ٴماجىلىس تاقىرىبىنا جەرگىلىكتى اتقارۋشى ورگانداردا ورىن العان سىبايلاس جەمقورلىق قىلمىستارىنىڭ ورىن الۋ سەبەپتەرىن انىقتاۋ مەن ونى جويۋ شارالارى ارقاۋ بولدى.

«جىل باسىنان بەرى وبلىستا 6 كەنت جانە اۋىلدىق وكرۋگ اكىمدەرى سىبايلاس جەمقورلىق قىلمىس جاساعان. ونىڭ ىشىندە، 3 اۋىل اكىمى پارا العانى ٴۇشىن، قالعان ٴ3-ۋى قىزمەتتىك جالعاندىق ٴۇشىن جاۋاپكەرشىلىككە تارتىلدى. ناقتى ايتقاندا، قازالى اۋدانىنىڭ باسىعارا اۋىلدىق وكرۋگى، شيەلى اۋدانىنىڭ گيگانت اۋىلدىق وكرۋگى جانە قىزىلوردا قالاسىنىڭ بەلكول كەنتى اكىمدەرى جەر تەلىمدەرىن بەرۋ ٴۇشىن پارا العان بولسا، ارال اۋدانىنىڭ جاقسىقىلىش كەنتى جانە جاڭاقورعان اۋدانىنىڭ شالقيا مەن تومەنارىق ەلدى مەكەندەرىنىڭ اكىمدەرى قىزمەتتىك جالعاندىق جاساعان»، - دەدى جيىن بارىسىندا سىبايلاس جەمقورلىققا قارسى ۇلتتىق بيۋرونىڭ وبلىس بويىنشا دەپارتامەنتىنىڭ باسقارما باسشىسى ب. نيازوۆ.

سونىمەن قاتار، ٴماجىلىس بارىسىندا وبلىس اكىمى اپپاراتى باسشىسىنىڭ ورىنباسارى س.شوتايەۆ، اگەنتتىكتىڭ وبلىستىق دەپارتامەنتى باسشىسىنىڭ ورىنباسارى ب.بايحوجايەۆ جانە سىبايلاس جەمقورلىققا قارسى ۇلتتىق بيۋرونىڭ وبلىستىق دەپارتامەنتى باسشىسىنىڭ مىندەتىن اتقارۋشى ە.تلەنوۆتەر حابارلاما جاساپ، وبلىستاعى جەرگىلىكتى اتقارۋشى مەملەكەتتىك ورگاندارداعى سىبايلاس جەمقورلىقتىڭ الدىن الۋدىڭ وزەكتى پروبلەمالىق ماسەلەلەرى تالقىلاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي