BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قىزىلوردا وبلىسىندا سەمەنت زاۋىتى مەرزىمىنەن بۇرىن ىسكە قوسىلادى – وبلىس اكىمى

استانا، baq.kz ٴتىلشىسى. ەلىمىزدە العاش رەت تامپوناجدى سەمەنت زاۋىتى جەلتوقسان ايىندا پايدالانۋعا بەرىلەدى. بۇل تۋرالى قىزىلوردا وبلىسىنىڭ اكىمى قىرىمبەك كوشەربايەۆ مالىمدەدى.

«جىلىنا 1 ملن توننا تامپوناجدى سەمەنت ٴونىمىن شىعاراتىن وسى جىلدىڭ جەلتوقسان ايىندا شيەلى اۋدانىندا ىسكە قوسىلادى. قازىرگى تاڭدا نىسانداعى بارلىق قۇرىلىس جۇمىسى اياقتالىپ، جابدىقتاردى مونتاجداۋ جۇمىستارى جۇرگىزىلۋدە. زاۋىت بەلگىلەنگەن مەرزىمىنەن بۇرىن ىسكە قوسىلادى»، - دەدى ٴوڭىر باسشىسى وكق-دە وتكەن بريفينگتە.

قىرىمبەك كوشەربايەۆتىڭ ايتۋىنشا، اتالعان جوبا 2015-2019 جىلدارعا ارنالعان قر يندۋستريالدى-يننوۆاسيالىق دامۋ مەملەكەتتىك باعدارلاماسى اياسىندا جۇزەگە اسىرىلعان. سونداي-اق تامپوناجدى سەمەنت زاۋىتى 51 بىرلەسكەن قازاقستان-قىتاي جوبالارىنىڭ تىزىمىنە ەنگەن.

«كاسىپورىندا 260-تان استام ادام جۇمىس ىستەيدى. ودان بولەك، اۋداندىق كوللەدجدى بىتىرگەن 48 جاس مامان قىتاي زاۋىتتارىندا بىلىمدەرىن شىڭداۋدا. قىتايلىق ينۆەستورلار شيەلى يندۋستريالدى-اگرارلىق كوللەدجىنىڭ بازاسىندا جەرگىلىكتى جاستار اراسىنان 80 ماماندى دايارلىقتان وتكىزىپ جاتىر»، - دەدى وبلىس اكىمى.

ٴسوز سوڭىندا ول اتالعان كاسىپورىننىڭ ماڭىزىنا توقتالدى.

«تامپوناجدى سەمەنت مۇناي-گاز جانە اتوم ونەركاسىبىندە كەڭىنەن قولدانىلادى. ول – اپاتتى جانە قالپىنا كەلتىرۋ جۇمىستارىن جۇرگىزۋدە تاپتىرماس ماتەريال. بۇدان باسقا، شىعارىلاتىن ٴونىم قاتتى ايازعا، سۋعا جانە كورروزياعا قارسى ٴتوزىمدى، سەمەنتتىڭ تاعى ٴبىر ماڭىزدى سيپاتتاماسى 10-12 ساعاتتا كەبەدى»، - دەپ تۇيىندەدى ٴسوزىن ٴوڭىر باسشىسى.

ەستەرىڭىزدە بولسا، بۇعان دەيىن ٴوڭىر باسشىسى رەسەيدىڭ "بايقوڭىردى" پايدالانۋ بويىنشا پىكىر ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي