BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

كينولوگتار ٴيتتىڭ كومەگىمەن ەكى كەلىگە جۋىق ەسىرتكى تاركىلەدى

پاۆلودار وبلىسىندا ەسىرتكى اينالىمىنىڭ زاڭسىز جولىن كەسۋ ماقساتىندا «كوكنار-2018» جەدەل-الدىن الۋ شاراسى وتۋدە، دەپ حابارلايدى baq.kz ايماقتاعى ٴتىلشىسى.

قر ۇلتتىق گۆاردياسىنىڭ «شىعىس» ايماقتىق باسقارۋ قۇرىلىمى ٴباسپاسوز قىزمەتىنىڭ حابارالۋىنشا، ەسىرتكى ىزدەۋ جۇمىستارىنا وڭىردەگى 5512 اسكەري ٴبولىمىنىڭ قىزمەتتىك-ىزدەۋ يتتەرى جۇمىلدىرىلعان. شارالار جەرگىلىكتى باقىلاۋ-وتكىزۋ پۋنكتتەرى، اۋەجاي عيماراتتارى جانە ادام كوپ جينالاتىن وزگە ورىنداردا حولعا جۇرگىزىلگەن.

«جەدەل-الدىن الۋ شارالارى بارىسىندا پوليسيا قىزمەتكەرلەرى پاۆلودار وبلىسىنداعى جولاۋشى تاسىمالىمەن اينالىساتىن كولىكتەردى تەكسەردى. اسكەري ٴبولىم سەرجانتى يلسۋر حايرۋللين ارەس ەسىمدى قىزمەتتىك يتىمەن بىرگە «ەكىباستۇز-پاۆلودار» باعىتىندا ادام تاسىمالدايتىن اۆتوبۋستاردى تەكسەرىپ شىقتى. ناتيجەسىندە بىرنەشە جولاۋشىنىڭ قالتاسى مەن جۇك سومكەلەرىنەن ەسىرتكى زاتتار تابىلدى»، - دەيدى «شىعىس» ايماقتىق باسقارۋ قۇرىلىمى ٴباسپاسوز قىزمەتىنىڭ باستىعى باعدات امانگەلدى.

كينولوگيالىق قىزمەتتىڭ ٴتورت اياقتى كومەكشىلەرىنىڭ كومەگىمەن بىرنەشە كۇننىڭ ىشىندە ەكى كەلىگە جۋىق ناشا تاركىلەندى. ساراپتامادان سوڭ زاتتاردىڭ قانداي ەسىرتكى ٴتۇرى ەكەنى انىقتالادى. زاڭسىز ەسىرتكى تاسىمالداعان ازاماتتار ۇستالدى.

ايتا كەتەيىك، سەرجانت يلسۋر حايرۋللين مەن ونىڭ قىزمەتتى ٴيتى جوعارى ناتيجەلەردى كورسەتۋدە. 25 الدىن الۋ شاراسى بارىسىندا ەسىرتكى زاتتار تابىلعان.

ەسكە سالا كەتسەك، 5512 اسكەري بولىمىندەگى كينولوگيا قىزمەتى 15 جىل بۇرىن قۇرىلعان. بۇگىنگى تاڭدا التى كينولوگ مامان جانە جەتى قىزمەتتىك يت بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي