BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

كيىك اۋلاعان شەكارا قىزمەتىنىڭ كاپيتانى ۇستالدى

زاڭسىز تۇردە كيىك اۋلاعان شەكارا قىزمەتىنىڭ كاپيتانى ۇستالدى، دەپ حابارلايدى baq.kz اقپارات اگەنتتىگى.

بۇل تۋرالى قر اشم ورمان شارۋاشىلىعى جانە جانۋارلار دۇنيەسى كوميتەتىنىڭ ٴباسپاسوز حاتشىسى ساكەن دىلداحمەت فەيسبۋكتەگى پاراقشاسىندا جازدى.

«2018 جىلعى 14 مامىر كۇنى ساعات 17:00 شاماسىندا «وحوتزووپروم» ٴوب» رمقك باتىس ايماقتىق فيليالىنىڭ ينسپەكتورلارى رەيد جۇرگىزۋ كەزىندە باتىس قازاقستان وبلىسى جانىبەك اۋدانىنىڭ قامىستى اۋىلىنان 15 شاقىرىم جەردە (رف شەكاراسىنا جاقىن) مەملەكەتتىك ٴنومىرسىز جانە قۇجاتسىز جۇرگەن «چس-موتو» كۆادراسيكلىندەگى ادامدى ۇستاعان. تەكسەرۋ كەزىندە شەكارا قىزمەتىنىڭ كاپيتانى، شەكارالىق ۋچاسكە قىزمەتشىسى، كۆادروسيكل جۇرگىزۋشىسىنەن كيىكتىڭ 12 دانا ٴمۇيىزى، قارۋدىڭ چەحولى، بالتا، قارۋمەن اتىلعان ەركەك كيىكتىڭ مۇيىزىمەن بىرگە ەتى تابىلدى»، - دەپ جازدى ول.

وقيعا ورنىنا جانىبەك اۋدانىنىڭ ٴىىب جەدەل-تەرگەۋ توبىنىڭ قىزمەتكەرلەرى شاقىرتىلدى. اتالعان فاكتى قر قىلمىستىق كودەكسىنىڭ 339-بابى بويىنشا تىركەۋگە الىندى. قازىرگى ۋاقىتتا پوليسيا قىزمەتكەرلەرى كيىكتى زاڭسىز اۋلاۋ دەرەگى بويىنشا زاتتاي دالەلدەردى ىزدەستىرىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي