BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

كەلەسى جىلى شقو اكىمدىگى 7 ملرد تەڭگەنى مەدجابدىققا جۇمسايدى 

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا شىعىس قازاقستان وبلىسىندا ەلباسى جولداۋىن جۇزەگە اسىرۋ بارىسى مەن اعىمداعى جىلدىڭ الەۋمەتتىك-ەكونوميكالىق قورىتىندىلارى تۋراسىندا بايانداعان ٴوڭىر اكىمى دانيال احمەتوۆ مالىمدەدى.

ٴوڭىر باسشىسى وبلىستا دەنساۋلىق ساقتاۋ سالاسىن دامىتۋ ماقساتىندا باستاپقىدا 5 جىلعا ارنالعان باعدارلاما قابىلدانعانىن ايتتى.

«بىزگە 2 348 بىرلىك جاڭا جابدىق ساتىپ الۋ قاجەت بولدى. بۇل تەحنيكالىق قۇرىلىسى جاعىنان كۇردەلى، سوڭعى ۇلگىدەگى جابدىقتار بولاتىن. ٴبىز 3 جىل ىشىندە 18،8 ملرد تەڭگەگە جابدىق ساتىپ الدىق. كەلەسى جىلى بۇل ماقساتقا 7 ملرد تەڭگەدەن استام قاراجات قاراستىرىلىپ وتىر»، - دەدى احمەتوۆ.

ونىڭ ايتۋىنشا، دەنساۋلىق ساقتاۋ سالاسىنداعى قىزمەت ساپاسىن جەتىلدىرۋ تەك قاجەتتى جابدىقتى ساتىپ الۋمەن شەكتەلمەيدى.

«سول سەبەپتى، «ادام كاپيتالىنا ينۆەستيسيا» اتتى تاعى قوسىمشا باعدارلاما ازىرلەندى. سەبەبى، وزىق تەحنولوگيا ادام كاپيتالىمەن ۇيلەسۋى قاجەت. وسى ورايدا، ٴبىز جىل سايىن 70 استام ماماندى 3-6 اي مەرزىمىندە ۇلىبريتانيادا ٴبىلىمىن جەتىلدىرۋگە جىبەرىپ وتىرامىز»، - دەدى دانيال احمەتوۆ.

ول 1 995 دارىگەر مەن مەدبيكە سەمەي مەديسينالىق ۋنيۆەرسيتەتىندە ٴبىلىمى مەن بىلىكتىلىگىن جەتىلدىرۋ كۋرسىنان وتكەنىن ايتتى.

ەستەرىڭىزدە بولسا، ٴوڭىر باسشىسى بۇعان دەيىن الداعى جىلدا 40 مىڭعا جۋىق قىزمەتكەردىك ايلىعى وسەتىنى تۋرالى ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي