BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قازاقستان مەن رەسەي فورۋمىندا 17 مەموراندۋمعا قول قويىلدى

فوتو: автор

سولتۇستىك قازاقستان، baq.kz ٴتىلشىسى. پەتروپاۆلدا ٴوتىپ جاتقان قازاقستان مەن رەسەي ٴوڭىرارالىق ىنتىماقتاستىقتىڭ حv فورۋمى اياسىندا ٴتۋريزمنىڭ ٴتۇرلى سالالارىن قامتيتىن 17 مەموراندۋمعا قول قويىلدى.

ەكسترەمالدى، ٴپاسسيۆتى، مەديسينالىق جانە ارحەولوگيالىق تۋريزم. قازاقستان مەن رەسەيدىڭ ٴار ٴوڭىرى ەرەكشە. ٴار ايماق بىرەگەيلىگىن پايدالانا وتىرىپ، وزىنە ٴتان باعىت بويىنشا ٴتۋريزمدى دامىتىپ كەلەدى. فورۋم بارىسىندا ەكى ەلدىڭ وكىلدەرى جينالعانداردى ٴوز ولكەلەرىمەن تانىستىرىپ، تۋريستىك مۇمكىندىكتەرى جايىندا جارىسا ايتتى. العاشقى بولىپ ەڭ ۇتقىر جوبالارىن كراسنودار ولكەسىنىڭ ماماندارى تانىستىردى. قارا تەڭىز جاعالاۋىنداعى دەمالىس ورىندارى مەن شيپاجايلارى بۇگىندە رەسەيلىكتەر اراسىندا عانا ەمەس شەتەلدىكتەردىڭ دە سۇرانىسىنا يە.

«قازاقستان تاراپىنان رەسەيدىڭ كراسنودار ولكەسىنە قىزىعۋشىلىق بار. ٴبىز جازعى جانە قىسقى دەمالىستى ۇسىنامىز. وتكەن جىلى 16 ميلليون تۋريست ٴبىزدىڭ شيپاجايلاردا دەمالىپ قايتتى. 2018 جىلدىڭ 9 ايىندا قازاقستاننىڭ 1 ميلليون 300 مىڭ تۇرعىنىن قارسى الدىق»، - دەدى رف كراسنودار ولكەسىنىڭ تۋريزم جانە وليمپيادالىق مۇرا ٴمينيسترى حريستوفور كونستانتيندي.

تۇمەن وبلىسى سولتۇستىك قازاقستاننىڭ شەكارالاس وڭىرلەرىنىڭ ٴبىرى. رەسەيدىڭ مۇناي وڭدەۋشى، ەڭ باي ايماعى سانالادى. تۋريستەرگە ىستىق بۇلاق كوزدەرىمەن، فلوراسى مەن فاۋناسىنىڭ بايلىعىمەن، قىلقان جاپىراقتى نۋ ورماندارىمەن، تازا اۋاسىمەن جاقسى تانىس. تۇمەندىكتەر فورۋمعا قاتىسۋشىلاردى باي تابيعاتىمەن قىزىقتىردى. ال قازاقستاندىق تاراپ شەتەلدىك قوناقتارعا 2000 جىلدىق تاريحى بار تاراز قالاسىن تانىستىردى. جامبىل وبلىسى كوپشىلىك نازارىنا ارحەولوگيالىق تۋريزم جوبالارىن ۇسىنادى.

2 مىڭعا جۋىق دەلەگاتتىڭ باسىن قوسقان شاراعا قاتىسۋشىلار ٴوزارا ىنتىماقتاستىق جونىندەگى 17 قۇجاتقا قول قويدى. ونىڭ قاتارىندا سولتۇستىك قازاقستان مەن تۇمەن وبلىسى وكىلدەرىنىڭ تۋريزم سالاسىنداعى ٴوزارا ىنتىماقتاستىق جونىندەگى مەموراندۋمى دا بار.

«بۇل قۇجات اياسىندا ٴتۋريزمدى ودان ٴارى دامىتۋدى قولعا الماقپىز. بۇل سالادا ەكى ەلدىڭ دە مۇمكىندىگى زور. ەڭ باستىسى جارناما مەن ناسيحات كەرەك. ٴوز جەرىمىزدىڭ تۇرعىندارىنا شالقار مەن يمانتاۋ تۋرالى ايتاتىن بولساق، ارىپتەستەرىمىز تۇمەندىك شيپاجايلاردى ناسيحاتتايدى»، - دەيدى رف تۇمەن وبلىسىنىڭ قازاق ۇلتتىق-مادەني اۆتونومياسىنىڭ پرەزيدەنتى ەسانعالي ىبىرايەۆ.

xv ٴوڭىرارالىق ىنتىماقتاستىق فورۋمىنا قاتىسۋشىلار حالىقارالىق جيىن جوعارى دەڭگەيدە ۇيىمداستىرىلعانىن ايتىپ، وسىنداي كەزدەسۋلەر كورشى مەملەكەتتەردىڭ ەكونوميكاسى مەن تۇرعىنداردىڭ ٴال اۋقاتىن، تۋريستىك مۇمكىندىگىن دامىتۋدا وڭ اسەر بەرەتىنىنە سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي