BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قازاقستان مەن رەسەي بىرلەسىپ «ۇلكەن التاي» جوباسىن قولعا الادى

فوتو: altaynews.kz

استانا، baq.kz. پەتروپاۆل قالاسىندا ٴوتىپ جاتقان قازاقستان مەن رەسەي اراسىنداعى ٴ15-شى ٴوڭىرالالىق ىنتىماقتاستىق فورۋمىندا قازاقستان مەن رەسەي بىرلەسكەن «ۇلكەن التاي» جوباسىن قولعا الىنۋى مۇمكىن ەكەنى ايتىلدى. بۇل تۋرالى altaynews.kz سايتى حابارلايدى.

بۇل جونىندە پەتروپاۆل قالاسىندا ٴوتىپ جاتقان ەكى ەلدىڭ ٴوڭىرارالىق ىنتىماقتاستىق فورۋمىنىڭ ٴباسپاسوز ٴماسليحاتىندا «قازاقتۋريزم» ۇلتتىق كومپانياسى اق ٴتوراعاسىنىڭ ورىنباسارى تيمۋر دۇيسەنبايەۆ حابارلادى.

«التاي – وركەنيەتتىڭ التىن بەسىگى. كوپتەگەن حالىق ٴدال وسى التايدان شىققانى تاريحي دالەلدەنگەن. سوندىقتان «ۇلكەن التاي» بىرلەسكەن جوباسىن قولعا الۋىمىز وتە ورىندى دەپ ەسەپتەيمىن. بۇل جوبا التايدى مەكەن ەتكەن حالىقتاردىڭ اراسىنداعى مادەني بايلانىستاردى جانداندىرۋعا كومەكتەسۋى ٴتيىس»، - دەدى ول.

بۇگىندە التاي تاۋلارى ٴتورت ەلدىڭ، اتاپ ايتقاندا، قازاقستان، قىتاي، موڭعوليا مەن رەسەيدىڭ اۋماعىندا جاتىر. جاڭا جوبا بويىنشا بولاشاقتا تۋريستتەر وسى ەلدەردىڭ ٴارقايسىسىنا ساپارلاپ، التاي اۋماعىنداعى حالىقتاردىڭ تۇرمىسىمەن، مادەنيەتىمەن، سالت-داستۇرىمەن جانە تاريحىمەن جاقىنىراق تانىسۋعا مۇمكىندىك الماق.

«رەسەي تاراپى وسىعان ۇقساس جوبالار جۇزەگە اسىرۋدى باستاپ كەتكەن. ٴبىز بولساق، «التاي – وركەنيەت بەسىگى» اتتى ەتنوفەستيۆالدىڭ كونسەپسياسىن ازىرلەدىك. كەلەر جىلى اتالمىش ەتنوفەستيۆالدىڭ ٴبىرىنشىسىن وتكىزەمىز دەگەن جوسپار بار. بۇل ايتۋلى شارا بولاتىنى ٴسوزسىز»، – دەيدى ت.دۇيسەنبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي