BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

قاراعاندىداعى كومىر شاحتاسىنان شىققان ٴورتتىڭ الدىن الا سەبەبى ايتىلدى

فوتو: Хабар 24

جاعداي باقىلاۋدا جانە ۇنەمى قاداعالانادى. اپات ورنىنان الىنعان سىنامالاردىڭ ناتيجەسى جارىلۋ ٴقاۋپى جوق ەكەندىگىن انىقتادى، دەپ حابارلايدى baq.kz اقپارات اگەنتتىگى قاراعاندى وبلىسى اكىمدىگىنىڭ ٴباسپاسوز قىزمەتىنە سىلتەمە جاساپ.

«قازىرگى ۋاقىتتا وت تۇتانۋ كوزىن وقشاۋلاۋ جۇمىستارى جالعاسۋدا. كومپانيانىڭ ٴتيىستى قىزمەتتەرى مەن قاراعاندى كاسىبي-اسكەري قۇتقارۋ قىزمەتى ​​فيليالىنىڭ قىزمەتكەرلەرى توتەنشە جاعدايدا ٴقاۋىپسىز جۇمىس جۇرگىزۋ بويىنشا ۋاقتىلى شارالار قابىلدادى. ودان ٴارى مونيتورينگ پەن جاعدايدى تالداۋ نەگىزىندە ودان ٴارى ٴىس-قيمىلدار تۋرالى شەشىم قابىلدانادى. ٴورت شىعۋدىڭ الدىن الا سەبەبى – تابيعي قۇبىلىس. ٴورت ٴسوندىرۋ وشاقتارىن جويۋ بويىنشا بارلىق جۇمىستار ٴقاۋىپسىز جۇمىس رەجيمىندە جانە جۇمىسقا تارتىلعان ادامداردىڭ ومىرىنە ٴقاۋىپ توندىرمەي جۇرگىزىلەدى»، - دەلىنگەن ٴباسپاسوز مالىمەتىندە.

وبلىس اكىمى ەرلان قوشانوۆتىڭ تاپسىرماسى بويىنشا، شاحتا قىزمەتكەرلەرىن جۇمىسقا ورنالاستىرۋ ماسەلەسى باقىلاۋعا الىندى. شاحتا قىزمەتكەرلەرىنىڭ كەيبىرى ۋاقىتشا باسقا كەنىشتەرگە جىبەرىلەتىن بولادى، ال قالعان قىزمەتكەرلەر قاراعاندى كاسىبي-اسكەري قۇتقارۋ فيليالىنىڭ قىزمەتكەرلەرىمەن بىرلەسىپ اپاتتىق جاعدايدى جويۋعا جانە شاحتا جۇمىسىن رەتكە كەلتىرۋگە كومەكتەسەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي