BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

قاراعاندىدا جاسوسپىرىمدەر توبەلەسىپ، ەكى بالا اۋرۋحاناعا جەتكىزىلدى

قاراعاندىنىڭ مايقۇدىق شاعىن اۋدانىندا تال تۇستە توبەلەس بولىپ، سوڭى 16 جانە 17 جاستاعى ەكى بوزبالانىڭ اۋرۋحاناعا تۇسۋىمەن اياقتالعان. الدىن الا مالىمەتتەر بويىنشا توبەلەستەن زارداپ شەككەندەر – كوللەدج ستۋدەنتتەرى، دەپ حابارلايدى baq.kz ايماقتاعى ٴتىلشىسى.

10 قازان كۇنى مايقۇدىقتىڭ ٴ15-شى ىقشام اۋدانىنداعى كوپقاباتتى ۇيلەردىڭ اۋلاسىندا كۇندىزگى ساعات 14.00 شاماسىندا جاسوسپىرىمدەردىڭ قاتىسۋمەن جاپپاي توبەلەس بولعان. جانجال سالدارىنان 16 جانە 17 جاستاعى ەكى بوزبالا زارداپ شەككەن.

«16 جاستاعى ٴجاسوسپىرىمدى جەدەل مەديسينالىق كومەك قىزمەتكەرلەرى پىشاق جاراقاتىمەن اۋرۋحاناعا جەتكىزدى. زارداپ شەگۋشىنىڭ بەلىنە پىشاق كىرگەن. جاسوسپىرىمگە وتا جاسالىپ، ول ٴساتتى ٴوتتى. جاسىنا بايلانىستى ول بالالار كلينيكالىق اۋرۋحاناسىنا اۋىستىرىلدى»، - دەيدى قاراعاندى وبلىسى دەنساۋلىق ساقتاۋ باسقارماسىنىڭ ٴباسپاسوز حاتشىسى ايجان يسا.

الدىن الا مالىمەتتەر بويىنشا، جانجال كەزىندە 17 جاستاعى جىگىتتىڭ باس سۇيەگىنە زاقىم كەلگەن. ول وبلىستىق باس-سۇيەك اۋرۋحاناسىندا جاتىر. جابىرلەنۋشى جاسوسپىرىمدەر قالاداعى كوللەدجدەردىڭ بىرىندە وقيدى.

وبلىستىق ىشكى ىستەر دەپارتامەنتىندە اتالعان وقيعاعا بايلانىستى ٴىس قوزعالعانىن ايتادى.

«قازاقستان رەسپۋبليكاسى قىلمىستىق كودەكسىنىڭ 106-بابى، 1-تارماعىنا ساي، ياعني «دەنساۋلىققا قاساقانا زاقىم كەلتىرۋ» بابى بويىنشا ٴىس قوزعالدى. تەرگەۋ ٴجۇرىپ جاتىر. بارلىق جاعداي انىقتالۋدا»، - دەپ حابارلادى ٴىىد-نىڭ ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي