BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قاراعاندىدا شۇعىل بايلانىس تەرمينالدارى ورناتىلدى

قاراعاندى، baq.kz ٴتىلشىسى. قالانىڭ حالىق كوپ جۇرەتىن جەرلەرىنە القىزىل ٴتۇستى تەرمينالدار ورناتىلعان. «ازامات-پوليسيا» اتالاتىن تەرمينال ارقىلى تۇرعىندار شۇعىل كومەك كورسەتۋ قىزمەتىنە حابارلاسا الادى. تەرمينالدار ازىرگە قالانىڭ بەس جەرىندە بار.

تۇرعىنداردىڭ ومىرىنە نەمەسە دەنساۋلىعىنا ٴقاۋىپ تونگەن كەزدە، نە بولماسا ادامداردىڭ جەكە باسىنا جانە مۇلكىنە قاتىستى قۇقىقبۇزۋشىلىقتار ورىن العان ۋاقىتتا تەرمينالدىڭ كومەگىنە جۇگىنۋگە بولادى. ول ٴۇشىن «شاقىرۋ» باتىرماسىن باسۋ جەتكىلىكتى.

قاراعاندىنىڭ ادام كوپ شوعىرلانعان ۆوكزال، قالالىق اكىمدىك، وبلىستىق مەشىت، ورتالىق ساياباق پەن «ماڭگىلىك الاۋ» الاڭدارىنا ورناتىلعان تەرمينالداردى «پەرسپەكتيۆا» عىلىمي-وندىرىستىك بىرلەستىگى ويلاپ تاپقان.

«شۇعىل بايلانىس تەرمينالدى قالاعا كەرەك. وسى ارقىلى تۇرعىندار توتەنشە جاعداي كەزىندە جەدەل جەلى قىزمەتىمەن بايلانىسا الادى. شەتەلدە مۇنداي قۇرىلعىلار ٴاربىر ايالدامادا ورناتىلادى. تەرمينالدار جىل باسىنان بەرى تەستىلەۋدەن وتكىزىلدى. وسى ۋاقىت ارالىعىندا ماماندار ونىڭ جۇمىسىن باقىلىپ، قاجەت بولسا وزگەرىستەر ەنگىزىپ، جەتىلدىردى»، - دەيدى «پەرسپەكتيۆا» ٴعوب-نىڭ تەحنيكالىق ديرەكتورى ماكسيم كيم.

اتالعان كومپانيا قاراعاندى قالاسىنىڭ ىشكى ىستەر باسقارماسىمەن، جەدەل باسقارۋ ورتالىعىمەن، قالالىق اكىمدىكپەن، مونيتورينگ ورتالىعىمەن، وبلىستىق پوليسيا دەپارتامەنتىمەن بىرلەسە جۇمىس ىستەيدى.

«تەرمينال بەينەكامەرامەن جابدىقتالعان، «شۇعىل كومەك» باتىرماسىن باسقان ۋاقىتتا بەينەكامەرا ىسكە قوسىلادى. كەسكىندەمە «پەرسپەكتيۆا» ٴجشس-نىڭ ديسپەتچەرلىك بولىمىنە تۇسەدى. كەزەكشى بولىمدەگىلەر جاعدايعا بايلانىستى شاقىرتۋدى 101، 102، 103 جەدەل كومەك كورسەتۋ قىزمەتىنە باعىتتايتىن بولادى»، - دەيدى م.كيم.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي