BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

قاراعاندىدا مەكتەپ وقۋشىسىنان ٴسىرلى مەنينگيت انىقتالدى

قاراعاندىدا جالپى ٴبىلىم بەرەتىن مەكتەپتىڭ 6-سىنىپ وقۋشىسى ٴسىرلى مەنينگيتىمەن سىرقاتتانعان. دارىگەرلەردىڭ ايتۋىنشا، سىرقاتى ٴقاۋىپتى ەمەس. ونى مەنينگوكوكك ينفەكسياسىمەن شاتىستىرۋعا بولمايدى، دەپ حابارلايدى baq.kz ايماقتاعى ٴتىلشىسى.

قاراعاندىنىڭ وڭتۇستىك-شىعىس ىقشام اۋدانىندا ورنالاسقان №102 مەكتەپتىڭ وقۋشىسىنان ٴسىرلى مەنينگيتى انىقتالىپ، قىز بالا جۇقپالى اۋرۋلار اۋرۋحاناسىنا جەتكىزىلگەن.

قوعامدىق دەنساۋلىقتى ساقتاۋ دەپارتامەنتى قىزمەتكەرلەرىنىڭ ايتۋىنشا، مەنينگيت انىقتالعان قىز بالانىڭ جاعدايى قالىپتى. ٴقازىر ول ستاسيونارلىق ەم قابىلداپ جاتىر. ەمدەلۋشىنىڭ قالاي سىرقاتتانعانى ازىرگە بەلگىسىز.

«وقۋشى ستاسيونارلىق بولىمدە ەم قابىلداپ جاتىر. بالانىڭ جاعدايى قاناعاتتانارلىق. باس اۋرۋى، شۇيدە بۇلشىقەتىنىڭ تىرىسۋى بايقالمايدى. زەرتحانالىق تەكسەرىس ناتيجەسى بويىنشا بالاعا ۆيرۋستىق مەنينگيت دياگنوزى قويىلدى»، - دەيدى قوعامدىق دەنساۋلىقتى ساقتاۋ دەپارتامەنتىنىڭ باسشىسى قايرات بايمۇحامبەتوۆ.

ونىڭ ايتۋىنشا، قازىرگى ۋاقىتتا قىز بالا وقىعان سىنىپتا ەپيدەمياعا قارسى شارالار جاسالۋدا. مەنينگيت انىقتالعان بالامەن بايلانىستا بولعان باسقا وقۋشىلار مەديسينالىق باقىلاۋعا الىندى. دەزينفەكسيالاۋ شارالارى كۇشەيتىلدى.

مامانداردىڭ ايتۋىنشا، سىرنە نەمەسە ۆيرۋستى مەنينگيت ەلىمىزدە جىل سايىن ەسەپكە الىنادى جانە ول قانداي دا ٴبىر ٴقاۋىپ توندىرمەيدى. سىرنە مەنينگيتىنىڭ بەلگىلەرى قاراپايىم تۇماۋعا ۇقساس. سىرقاتتاردا جوتەل، رينيت بولادى، تاماعى قىجىلدايدى.

«وبلىستا مەنينگيتتىڭ اۋىر تۇرىمەن سىرقاتتانعاندار تىركەلگەن جوق. اۋرۋحاناعا تۇسكەندەردىڭ بارلىعى مەنينگيتتى اسقىندىرماي، ۋاقتىلى كومەككە جۇگىنگەن. بۇل ۋاقتىلى ەمدەۋگە مۇمكىندىك بەرەدى»، - دەپ حابارلادى قاراعاندى وبلىسى دەنساۋلىق باسقارماسىنىڭ ٴباسپاسوز قىزمەتى.

مەنينگيت شىققان ٴبىلىم ورداسىندا كارانتين جاريالانعان جوق. وقۋشىلار قالىپتى رەجيمدە ٴبىلىم الۋدا. دارىگەرلەر الاڭداۋعا ەش نەگىز جوق دەپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي