BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قاراعاندىدا حالىقارالىق يادروعا قارسى جاستار ونلاين-فورۋمى وتەدى

فوتو: karaganda-region.gov.kz

استانا، baq.kz. قاراعاندىدا 8 قاراشادا يادرولىق قاۋىپسىزدىك جانە وسى سالادا جاھاندىق باستامالاردى دامىتۋ ماسەلەلەرى تالقىلانادى. «جاستار الەمىنە ەستافەتا» اتتى حالىقارالىق يادروعا قارسى جاستار ونلاين-فورۋمى قاراعاندى مەملەكەتتىك تەحنيكالىق ۋنيۆەرسيتەتىنىڭ الاڭىندا وتەدى. بۇل تۋرالى قاراعاندى وبلىسى اكىمدىگىنىڭ رەسمي سايتى حابارلايدى.

وقيعا «نەۆادا-سەمەي» يادروعا قارسى حالىقارالىق قوزعالىستىڭ 30 جىلدىق مەرەيتويىنا ورايلاستىرىپ وتىر. فورۋمعا قوزعالىس كوشباسشىسى، تانىمال قوعام قايراتكەرى ولجاس سۇلەيمەنوۆ كەلەدى. شاراعا تاۋەلسىز قازاقستاننىڭ ٴبىرىنشى سىرتقى ىستەر ٴمينيسترى تولەۋتاي سۇلەيمەنوۆ، اتوم جوباسىنىڭ قۇرمەتتى ەلشىسى، سۋرەتشى كارىپبەك كۇيىكوۆ قاتىسادى.

ونلاين رەجيمدە فورۋم جۇمىسىنا رەسەي، قىرعىزستان، تاجىكستان، حالىقارالىق جاستار اليانسىنىڭ يادروعا قارسى قارسى قوزعالىستارىنىڭ بەلسەندىلەرى قوسىلادى.

كەزدەسۋ قورىتىندىسى بويىنشا جاستارعا ۇندەۋ قابىلدانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي