BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قاراعاندى تۇرعىنىن سابادى دەپ ايىپتالعان پوليسەيلەر جۇمىستان قۋىلدى

فوتو: интернеттен

قاراعاندى وبلىستىق ىشكى ىستەر دەپارتامەنتى ٴۇش پوليسيا قىزمەتكەرىن جۇمىستان شىعاردى. ولاردىڭ ەكەۋى توبەلەسكە قاتىسقانى ٴۇشىن، ەندى بىرەۋى جابىرلەنۋشى جاقتىڭ شاعىمىن ۋاقتىلى قاراماعاندىعى ٴۇشىن قىزمەتىنەن قۋىلدى، دەپ xابارلايدى baq.kz ايماقتاعى ٴتىلشىسى.

ەسكە سالايىق، قاراعاندى وبلىسى وساكاروۆ اۋدانى، مولودەجنىي ەلدى مەكەنىنىڭ 22 جاستاعى تۇرعىنى قۇقىق قورعاۋ ورگانىنىڭ قىزمەتكەرلەرى ۇردى دەپ ارىزدانىپ، پوليسياعا شاعىم تۇسىرگەن. ارىزدى ۋچاسكەلىك پوليسيا قىزمەتكەرى دۇرىستاپ قاراماي، ٴىس سيىرقۇيىمشالىقتالىپ بارا جاتقاندىقتان جابىرلەنۋشى جىگىتتىڭ وتباسى وقيعانىڭ جاي-جاپسارىن الەۋمەتتىك جەلىگە جۇكتەپ، xالىقتان كومەك سۇراعان بولاتىن.

قوعامدا رەزونانس تۋدىرعان جاريالانىمنان كەيىن وبلىستىق ٴىىد-نىڭ قىزمەتكەرلەرى ٴىستى ٴوز قاراۋلارىنا الىپ، «بۇزاقىلىق» بابى بويىنشا قىلمىستىق ٴىس قوزعادى.

سونىمەن، جابىرلەنۋشى نيكولاي سميرنوۆتى ۇردى دەپ ايىپ تاعىلعان ٴتارتىپ ساقشىلارى مەن ولاردىڭ ۇستىنەن تۇسىرىلگەن ارىزعا بايلانىستى ۋاقتىلى شارا قولدانباعان ۋچاسكەلىك پوليسەي جۇمىستان بوساتىلدى.

«قىزمەتتىك تەكسەرىستىڭ ناتيجەسى بويىنشا تەرگەۋشى مەن جول-پاترۋلدىك ينسپەكتورى جۇمىستان شىعارىلدى. سونداي-اق، جاستار ەلدى مەكەنىنىڭ ۋچاسكەلىك ينسپەكتورى دا اتقاراتىن قىزمەتىنەن بوساتىلدى»، - دەپ xابارلادى وبلىستىق ٴىىد-نىڭ ٴباسپاسوز xاتشىسى باقىتجان قۇدياروۆ.

قىلمىستىق ٴىس ٴالى تەرگەلىپ جاتىر. ول ٴىىد-نىڭ وزىندىك قاۋىپسىزدىك باسقارماسىنىڭ قاراۋىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي