BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قاراعاندى وبلىسىندا مەديسينا ماماندارىنا 240 قىزمەتتىك پاتەر بەرىلدى

فوتو: karaganda-region.gov.kz

استانا، baq.kz. قاراعاندى وبلىسىندا ٴۇش جىلدا مەديسينا ماماندارىنا 240-تان استام قىزمەتتىك پاتەرلەر بەرىلەدى. بۇل تۋرالى قاراعاندى وبلىسى اكىمدىگىنىڭ رەسمي سايتى حابارلايدى.

«ٴبىز قاراعاندى وبلىسىندا مەديسينالىق كادرلاردىڭ تاپشىلىعى بار ەكەنىن بىرنەشە مارتە ايتقان بولاتىنبىز. جاعداي قازاقستاننىڭ باسقا ايماقتارىنداعىداي كەرەمەت وزەكتى ەمەس، ٴبىراق ول پروبلەما جوق دەپ ايتۋعا دا بولمايدى. جاس مامانداردى جۇمىلدىرۋداعى باستى ۇسىنىسىمىز – ولادى باسپانامەن قامتاماسىز ەتۋ بولماق»، - دەپ ٴتۇسىندىردى ايماقتىق كوممۋنيكاسيالار قىزمەتىندە وتكەن بريفينگ بارىسىندا قاراعاندى وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىبايەۆ.

ونىڭ ايتۋىنشا، بيىلعى جىلى پاتەر كىلتتەرىن بالقاش پەن ساران قالالارىنىڭ جاس دارىگەرلەرى العان.

«ٴقازىر ٴبىز شاحتينسكىدە 32 پاتەردى جوندەپ جاتىرمىز. 2019 جىلدىڭ ناۋرىزىندا ولاردى قولدانىسقا بەرەمىز. شاحتينسكىگە كوشىپ بارىپ، سول جەردە جۇمىس ىستەيتىن 32 جاس دارىگەرلەرمەن كەلىسىمشارتتار جاسالدى. سونداي-اق كەلەسى جىلى ٴبىز ابايدا 13 پاتەردى جوندەي باستايمىز. وسىنداي جوبالار تەمىرتاۋدا دا جۇزەگە اسىرىلىپ جاتىر. جايرەم كەنتىندە قاراجال قالاسىنىڭ اكىمدىگى بىزگە 16 پاتەردى بەرەدى. قارقارالىدا بالانسىمىزعا جاتاقحانانى الامىز، ونى قايتا قالىپقا كەلتىرەمىز دەپ جوسپارلاپ وتىرمىز»، - دەدى دەنساۋلىق ساقتاۋ باسقارماسىنىڭ جەتەكشىسى.

ونىڭ ايتۋىنشا، قارقارالى اۋدانىندا 30-دان استام جاس ماماندار قىزمەتتىك پاتەرلەرمەن قامتاماسىز ەتىلەدى. ول مەديسينالىق كادرلار تاپشىلىعىن تولىعىمەن شەشۋگە مۇمكىندىك بەرەدى. وسى سەكىلدى جوبا قاراعاندىدا دا جۇزەگە اسىرىلۋدا.

«جالپى ەسەپتەگەندە كەلەسى ەكى جىل ارالىعىندا ٴبىز جاس ماماندار ٴۇشىن 240 پاتەر ٴبولۋدى كوزدەپ وتىرمىز»، - دەپ اتاپ ٴوتتى ەرجان نۇرلىبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي