BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

قاراعاندى وبلىسىندا قالالار ماڭىندا جاسىل اۋماقتار قۇرىلادى

فوتو: pmvd.info

قاراعاندى وبلىسىندا قالالار مەن اۋدان ورتالىقتارىن جاسىل اۋماقتارمەن قورشاۋ جوسپارلانىپ وتىر. بەكىتىلگەن مەست-كە ساي، ول ٴۇشىن جالپى ەسەپتەگەندە 9982 گەكتار جەرگە اعاشتار وتىرعىزۋ كەرەك بولادى، دەپ حابارلايدى baq.kz اقپارات اگەنتتىگى قاراعاندى وبلىسى اكىمدىگىنىڭ ٴباسپاسوز قىزمەتىنە سىلتەمە جاساپ.

جاسىل اۋماقتاردى قۇرۋ جوسپارى تۋرالى تابيعي رەسۋرستار جانە تابيعاتتى پايدالانۋدى جوسپارلاۋ باسقارماسىنىڭ جەتەكشىسى رۋسلان تۇلەپبايەۆ مالىمدەدى. ونىڭ ايتۋىنشا، قاراعاندى مەن تەمرىتاۋ ماڭىندا اعاشتار وتىرعىزۋ جۇمىس جوباسىن قۇرۋ بارىسىندا جالپى اۋدانى 1632،7 گەكتار جەر تەلىمدەرى ۇسىنىلعان.

سونداي-اق رۋسلان تۇلەپبايەۆ وبلىس اۋماعىندا مەملەكەتتىك ورمان قورىندا ەسكەرىلمەگەن ورماندار بار ەكەنىن مالىمدەدى. ول بۇرىندارى سوۆحوزدار مەن كولحوزدارعا تيەسىلى بولعان وزەن بويلارىنداعى القاپتىق ورماندار، ورمان مەن جايىلىمدار شەكاراسىنداعى شاعىن ورمانشىقتار جانە القاپتاردى قورعايتىن ورمان جولاقتارى. ولاردى ەسەپتەۋ جانە تىركەۋ مالىمەتتەردى وزەكتەندىرۋگە جانە كەلەشەكتە بۇل اۋماقتاردى وبلىستىڭ ورمان قورىنا ەنگىزۋگە مۇمكىندىك بەرەدى

«قالا جانە اۋدان اكىمدىكتەرىنە قالا جانە اۋدان ورتالىقتارىنىڭ ماڭايىندا جاسىل اۋماق قۇرۋعا جەر ٴبولۋ مۇمكىندىگىن قاراستىرۋ قاجەت»، - دەدى رۋسلان تۇلەپبايەۆ.

ول سونىمەن قاتار وبلىس اكىمىنەن 2019-2021 جىلدارعا مەملەكەتتىك ورمان قورعاۋدى قامتاماسىز ەتۋگە جانە ورمان مەكەمەلەرىنىڭ ماتەريالدىق-تەحنيكالىق بازاسىن نىعايتۋعا كەزەڭ-كەزەڭمەن قاراجات ٴبولۋ ٴۇشىن بيۋدجەت قۇراستىرۋ كەزىندە قولداۋ كورسەتۋدى سۇرادى.

ەرلان قوشانوۆ بۇل ماسەلەنى ماڭىزدى دەپ تاۋىپ، بۇل سۇراقتى قارجى جانە ەكونوميكا باسقارماسى مەن تابيعي رەسۋرستار جانە تابيعاتتى پايدالانۋدى رەتتەۋ باسقارماسىنمەن بىرىگە وتىرىپ تالقىلاۋدى تاپسىردى.

«ٴبىز بارىنشا قولداۋ كورسەتۋگە تىرىسامىز»، - دەدى وبلىس اكىمى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي