BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

قاراعاندى وبلىسى جىلىتۋ ماۋسىمىنا 91 پايىزعا دايىن

فوتو: 24tv.ua

وبلىستىڭ كوپ قاباتتى تۇرعىن ۇيلەرى مەن الەۋمەتتىك نىساندارىنىڭ جىلۋ بەرۋ ماۋسىمىنىڭ باستالۋىنا دايىندىعى جوسپار بويىنشا ٴجۇرىپ جاتىر. قىس ماۋسىمىنا نىسانداردىڭ 91%-ى دايىن. بۇل جايىندا وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسىندا ايتتى، دەپ حابارلايدى baq.kz ايماقتاعى ٴتىلشىسى.

قاراعاندى وبلىسىندا بارلىق ينجەنەرلىك جەلىلەردەگى جوندەۋ جۇمىستارى 20 قىركۇيەكتە اياقتالادى. ال، جەلىلەردى سۋ قىسىمىمەن جانە گيدراۆليكالىق تەكسەرۋ 1 قازانعا دەيىن ورىندالماق. ياعني قىركۇيەك ايىنىڭ سوڭىندا ايماق جىلىتۋ ماۋسىمىنا تولىق دايىن بولادى.

«ستانسيالاردىڭ جىلۋ بەرۋ ماۋسىمىنا دايىندىعى ۇنەمى باقىلاۋدا. قازىرگى ۋاقىتتا 24 قازاندىق پەن 9 تۋربينادا جوندەۋ جۇمىستارى اياقتالدى. تاعى دا 13 قازاندىق پەن 6 تۋربينا جوندەلىپ جاتىر. قالعان ەكى تۋربينادا جوندەۋ جۇمىستارى ٴالى باستالعان جوق. سونداي-اق، «نۇرلى جول» جانە «ايماقتاردى دامىتۋ» مەملەكەتتىك باعدارلامالارى اياسىندا وڭىردە جىلۋ جۇيەلەرىن قالپىنا كەلتىرۋ جانە سالۋ بويىنشا 5 ٴىرى جوبا ىسكە اسىرىلۋدا. ونىڭ تورتەۋى قاراعاندىعا ىرگەلەس جاتقان قالالاردا بولسا، قالعان بىرەۋى ساتبايەۆ قالاسىندا. بيىلعى جىلى قاراعاندى وبلىسىنا ەنەرگەتيكا مينيسترلىگىنەن جىلىتۋ ماۋسىمى ٴۇشىن 28 مىڭ توننا الەۋمەتتىك مازۋت ٴبولىندى»، - دەيدى قاراعاندى وبلىسىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى باسشىسىنىڭ مىندەتىن اتقارۋشى ۇلانتاي ۇسەنوۆ.

ونىڭ ايتۋىنشا، قاراعاندى قالاسى بويىنشا م3 جانە م5 ماگيسترالدىق جىلۋ جۇيەسىن قالپىنا كەلتىرۋ جۇمىستارى كەستەگە ساي جۇرگىزىلۋدە. جوبا بويىنشا جىلۋ جۇيەسىنىڭ 66 پايىزى، ياعني 11،8 شاقىرىم قاشىقتىقتىڭ 7،8 شاقىرىمى جوندەلگەن.

«كومىرمەن قامتاماسىز ەتۋ جۇمىستارى دا جوسپار بويىنشا اتقارىلۋدا. قازاندىقتارعا جىلىتۋ ماۋسىمىنا دەيىن جەتكىزىلۋگە ٴتيىستى 334 توننا قاتتى وتىننىڭ، 237،4 تونناسى جەتكىزىلگەن. الەۋمەتتىك نىسانداردى قامتۋ قازىرگى ۋاقىتتا 56 پايىزعا ورىندالعان»، - دەيدى ۇ.ۇسەنوۆ.

قاراعاندى قالاسىن جىلۋمەن قامتاماسىز ەتەتىن «تەپلوترانزيت قاراعاندى» كومپانياسى دا قىسقا دايىندىق قارقىندى ٴجۇرىپ جاتقاندىعىن ايتادى.

«ٴبىزدىڭ بالانستا 448 شاقىرىم جىلۋ جۇيەسى بار. ونىڭ جىل سايىن 26-27 شاقىرىمى جوندەلەدى. بيىلعى جىلى دا 26 شاقىرىمداعى قۇبىر جوندەلدى. سونداي-اق، اپاتتى جەرلەردەگى قۇبىر جەلىسى اۋىستىرىلىپ، جىلىلىقتى ساقتاۋ شارالارى جاسالادى»، - دەيدى «تەپلوترانزيت قاراعاندى» ٴجشس-نىڭ تەحنيكالىق ديرەكتورى الەكساندر اكيشين.

ونىڭ سوزىنشە، ەرەجە بويىنشا قالاعا جىلۋ بەرۋ اۋا تەمپەراتۋراسى 8 گرادۋستان تومەندەپ، وسىنداي تەمپەراتۋرا ٴۇش كۇن ساقتالعاندا بەرىلە باستايدى. سونداي-اق، «كازگيدرومەت» اۋا-رايىنىڭ كۇرت سۋىتۋىن جورامالداسا دا تۇرعىن ۇيلەر مەن الەۋمەتتىك نىساندارعا جىلۋ بەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي