BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

حv ٴوڭىرارالىق فورۋم كەزىندە پەتروپاۆل دارىگەرلەرى كۇشەيتىلگەن رەجيمدە جۇمىس ىستەيدى

فوتو: ашық дереккөзден

سولتۇستىك قازاقستان، baq.kz ٴتىلشىسى. قازاقستان مەن رەسەي ٴوڭىرارالىق ىنتىماقتاستىعىنىڭ ٴ15-شى فورۋمى كەزىندە وبلىستىق جەدەل جاردەم قىزمەتى كۇشەيتىلگەن رەجيمدە جۇمىس ىستەيدى. ماڭىزدى شاراعا مەديسينالىق قىزمەتكەرلەر تىڭعىلىقتى دايىندالىپ، اۆتوپاركىن تولىقتىردى. ماماندار بىلىكتىلىگىن ارتتىرۋ ٴۇشىن، ارنايى كۋرستاردان ٴوتتى.

جەدەل جاردەم قىزمەتىنىڭ تەلەفونىنا كۇن سايىن ورتا ەسەپپەن 300-دەن استام شاقىرتۋ تۇسەدى ەكەن. دارىگەرلەردىڭ توپشىلاۋىنشا، ٴوڭىرارالىق فورۋم كەزىندە بۇل كورسەتكىش الدەقايدا ارتۋى ابدەن مۇمكىن. ماڭىزدى شارانى ويداعىداي وتكىزىپ، قاتىسۋشىلاردىڭ دەنساۋلىعىن ساقتاۋ ٴۇشىن مەديسينا ماماندارى كۇشەيتىلگەن رەجيمگە كوشەدى.

«مامانداردىڭ ٴبارىن وقىتتىق، جۇمىسشىلار دايىندىقتان، اتتەستاسيادان ٴوتتى. فورۋمعا ازىرلىك جۇرگىزۋ ٴۇشىن ارنايى جوسپار بەكىتىلىپ، ورىندالدى. ماماندار، قاجەتتى قۇرال-جابدىقتار، ماشينالار ٴبارى دايىن، كەلگەن قوناقتارعا، تۇرعىلىقتى جۇرتشىلىققا، ٴبىر سوزبەن ايتقاندا جاردەم سۇراعانداردىڭ بارىنە قول ۇشىن بەرەمىز»، - دەيدى سقو جەدەل مەديسينالىق كومەك ورتالىعىنىڭ باس دارىگەرى ماماديار بايعۇلوۆ.

فورۋم وتەتىن كۇندەرى تۇرعىندارعا جەدەل مەديسينالىق كومەك كورسەتۋ ٴۇشىن كۇن سايىن 19 ارنايى اۆتوكولىك جۇمىس ىستەيدى. ولاردىڭ قاتارىنا 3 ۋاز، جانە ەكى رەانيموبيل قوسىلدى. جۋىردا جەدەل-جاردەم قىزمەتىنىڭ اۆتوپاركى 5 اۆتوموبيلمەن تولىقتى. تەحنيكا ساتىپ الۋ ٴۇشىن بيۋدجەتتەن 57 ملن تەڭگە جۇمسالعان.

«رەانيموبيلدەر بارلىق قاجەتتى مەديسينالىق قۇرىلعىلارمەن: وتتەگى بالوندارى، دەفيبريلياتور، وكپەنى جاساندى جولمەن دەمالدىرۋعا ارنالعان اپپارات، كارديوگرافتارمەن جابدىقتالعان. فورۋم وتكەننەن كەيىن بۇل تەحنيكا وبلىس تۇرعىندارىنىڭ يگىلىگىنە قىزمەت ەتەتىن بولادى»، - دەيدى دارىگەر ۆەرا ۆوۆك.

پەتروپاۆل تۇرعىندارى مەن فورۋم قاتىسۋشىلارىنا قاجەتتى مەديسينالىق كومەك كورسەتۋ ٴۇشىن بۇل كۇندەرى جەدەل جاردەم ورتالىعىنىڭ بارلىق دارىگەرلەرى جۇمىس ىستەيدى. وعان قوسا، ٴىس شارالار وتكىزىلەتىن نىسانداردا دارىگەرلەر كەزەكشىلىك ەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي