BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

عالىمدار شىعىس قازاقستاننىڭ اتاۋىن وزگەرتۋدى ۇسىندى

فوتو: risk.ru

«التاي – تۇركى الەمىنىڭ التىن بەسىگى» حالىقارالىق فورۋمىنا قاتىسۋشىلار شىعىس قازاقستان اتاۋىن التىن التاي دەپ وزگەرتۋدى ۇسىندى، دەپ حابارلايدى baq.kz اقپارات اگەنتتىگى zakon.kz سايتىنا سىلتەمە جاساپ.

كەزدەسۋگە ارحەولوگيا مەن تۇركىتانۋ سالاسىنداعى الەمدىك دەڭگەيدەگى عالىمدار جينالدى. 3 جىل بويى جۇرگىزىلگەن قازبا جۇمىستارى ناتيجەسىندە الەمدىك دەڭگەيدەگى بارلىق قاۋىمداستىق ٴۇشىن ماڭىزدى 19 مىڭ ارتەفاكت تابىلدى.

بيىلعى كەزەڭنىڭ ەڭ باستى ەرەكشەلىگى – التىن ادامنىڭ تابىلۋى. التىن ادام تارباعاتاۋ اۋدانىنداعى «ەلەكە سازى» قورعاندارىنىڭ بىرىنەن تابىلدى. عالىمدار الداعى ۋاقىتتا باسقا دا ەرەكشە جاڭالىقتار بولاتىنىنا سەنىمدى.

ارحەولوگيا بويىنشا باعدارلامانىڭ ارقاسىندا قازبا جۇمىستارىن تاعى دا ٴۇش جىلعا سوزۋدىڭ ٴساتى ٴتۇستى. ال بۇل اۋقىمدى جۇمىستى بۇل جولى ەكى ەسە كوپ قارجىلاندىرادى. فورۋمدا شەتەلدىك عالىمدار ايماقتا قازبا جۇمىستارىن جالعاستىرۋعا قۋانىشتى ەكەندەرىن ايتتى.

«حv-xvi عاسىرداعى ابلايكيت ٴموناسترى تۋرالى ەستىگەندە تاڭعالدىم. قازبا جۇمىستارىنا ارنايى كەلدىم. بۇل تاريحي مالىمەتتەردى تولىقتىرۋدىڭ كەرەمەت مۇمكىندىگى»، - دەيدى نانتە ۋنيۆەرسيتەتىنىڭ (فرانسيا) تاريح جانە گەوگرافيا پروفەسسورى مارك-وليۆەر پەرۋ.

سونداي-اق، عالىمدار قازاقستاننىڭ شىعىس ٴوڭىرىن التىن التاي دەپ اتاۋدى ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي