BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

فرانسۋزدىق عالىمدار تۇركىستاننىڭ تۋريستىك الەۋەتىن جوعارى باعالادى

ورتا ازيا مەملەكەتتەرىن زەرتتەپ جۇرگەن اتاقتى فرانسۋزدىق عالىمدار تۇركىستان قالاسىنا كەلدى. قوناقتار اۋەلى xiv عاسىردىڭ سوڭىندا تۇرعىزىلعان ق.ا.ياساۋي كەسەنەسى مەن ونداعى جادىگەرلەرمەن تانىستى، دەپ حابارلايدى baq.kz اقپارات اگەنتتىگى تۇركىستان وبلىسى اكىمىنىڭ ٴباسپاسوز قىزمەتنە سىلتەمە جاساپ.

كەيىن عالىمدار ورتا عاسىردا ٴوزىنىڭ بەرىك قامالىمەن ٴماشھۇر بولعان ساۋران قالاسىنا ات باسىن بۇردى. ونداعى قالا تاريحى مەن شاھاردىڭ قۇرىلىمى جايلى اقپار الدى. كەزدەسۋ بارىسىندا تۇركىستان وبلىسىنىڭ اكىمى جانسەيىت تۇيمەبايەۆ الەم عالىمدارى قىزىعىپ وتىرعان ەسكى ساۋران قالاسى بولاشاقتا بارلىق تۋريستەر كەلىپ تاماشالايتىن مەكەنگە اينالاتىنىن ايتتى. سونداي-اق، تۇركىستان وبلىسىنا كەلەتىن قوناقتارعا ارنايى تۋريستىك باعىتتار قۇرىلىپ، سەرۆيستىك قىزمەتتەر جانداناتىنىن جەتكىزدى.

ەۋروپاعا بەلگىلى ەتنوگراف، تاريحشى فرانسۋاز لەنوبل باستاعان فرانسۋز عالىمدارى ودان سوڭ تۇركىستاندا بوي كوتەرەتىن جاڭا عيماراتتار مەن ق.ا.ياساۋي كەسەنەسى اينالاسىندا سالىناتىن شىعىستىق ۇلگىدەگى ەسكيزدىك جوبالارمەن تانىستى.

ساپار سوڭىندا شەتەلدىك قوناقتار تاريح پەن قاسيەتكە باي تۇركىستاننىڭ تۋريستەر وشاعىنا اينالاتىنا سەنىم ٴبىلدىردى. سونىمەن قاتار، تۋريستەردى تارتۋ ٴۇشىن ناسيحاتتى كوبەيتىپ، تاريحي نىساندارداعى اقپاراتتىق جۇيەلەر كۇشەيتىلسە، وڭىرگە كەلەتىن قوناقتار سانى ارتاتىنىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي