BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

ەرتىس ٴوڭىرىنىڭ اۋرۋحانالارى زاماناۋي قۇرالدارمەن جابدىقتالدى

فوتو: Автор

پاۆلودار وبلىسىندا دەنساۋلىق ساقتاۋ سالاسىندا مەملەكەتتىك-جەكەمەنشىك سەرىكتەستىك بويىنشا 10-عا جۋىق جوبا جۇزەگە اسىرىلۋدا، دەپ حابارلايدى baq.kz ايماقتاعى ٴتىلشىسى.

وسى جىلى جۇزەگە اسىرىلاتىن جوبالاردىڭ جالپى قۇنى – 3 ملرد تەڭگە. جۋىردا ايماقتاعى 6 اۋرۋحاناعا 12 ەندوسكوپيالىق قۇرال-جابدىق جەتكىزىلىپ، ىسكە قوسىلدى. بۇل يگىلىككە 600 ملن تەڭگەدەن استام ينۆەستيسيا قۇيىلدى.

ع.سۇلتانوۆ اتىنداعى وبلىستىق اۋرۋحاناسىنىڭ دارىگەر-ەندوسكوپيستى سەرىكباي تەرگەۋسىزوۆتىڭ ايتۋىنشا، جاپوندىق قۇرالدار ساراپتامالىق دەڭگەيدە دياگنوستيكا جۇرگىزۋگە مۇمكىندىك بەرەدى.

«ماقساتىمىز – دياگنوستيكا جۇرگىزۋ. ٴبىر سوزبەن ايتقاندا، قاتەرلى ىسىكتى ەرتە كەزەڭدە انىقتاپ، كوزگە كورىنبەيتىن ۇساق بولشەكتەردى انىقتايمىز. وسىنداي قۇرالدار بۇرىن-سوڭدى بولماعان. قازىرگى ۋاقىتتا سكرينينگتىك باعدارلاما شەڭبەرىندە كۇنىنە 60-قا جۋىق ازاماتتى قابىلداپ جاتىرمىز. قۇرالدىڭ ارقاسىندا وبىردى ەرتە انىقتاپ، سىرقاتتى ەمدەۋگە باعىتتايمىز»، - دەيدى دارىگەر.

وبلىستىق دەنساۋلىق ساقتاۋ باسقارماسىنىڭ باسشىسى وراز مۇقاشەۆتىڭ ايتۋىنشا، وسى تەكتەس قۇرال-جابدىقتار بۇرىن-سوڭدى بولماعان.

«پاۆلودار وبلىسىندا مەملەكەتتىك-جەكەمەنشىك سەرىكتەستىك اياسىندا بەلسەندى جۇمىستار اتقارىلۋدا. قازىرگى ۋاقىتتا ەكى جوبا ىسكە قوسىلدى. تاعى ٴتورت جوبا جۇزەگە اسىرىلۋ بارىسىندا، سونىمەن قاتار الداعى ۋاقىتتا بىرنەشە جوبا قولعا الىنادى. جۋىردا اكەلىنگەن ەندوسكوپيالىق قۇرال-جابدىقتار جاپونيادا وندىرىلگەن. بولاشاقتا اقسۋ قالالىق اۋراحاناسىنا كومپيۋتەرلىك توموگرافيا، وبلىستىق كارديولوگيالىق ورتالىققا انگيوگراف الۋ جوسپارلانۋدا»، - دەيدى وراز مۇقاشەۆ.

قازىرگى ۋاقىتتا وبلىس ورالىعىندا ونكولوگيالىق ديسپانسەر سالىنىپ جاتقانى بەلگىلى. 2019 جىلى ىسكە قوسىلاتىن نىسانعا جەلىلىك ۇدەتكىش قۇرالى رەسپۋبليكالىق بيۋدجەت ەسەبىنەن 1،8 ملرد تەڭگەگە ساتىپ الىنادى. ال مەملەكەتتىك-جەكەمەنشىك سەرىكتەستىك اياسىندا سيمۋلياسيالىق كومپيۋتەرلىك توموگراف ساتىپ الۋعا ينۆەتسور ىزدەستىرىلۋدە. قۇرال-جابدىقتىڭ قۇنى – 600 ملن تەڭگە.

ايتا كەتەيىك، مەملەكەتتىك-جەكەمەنشىك سەرىكتەستىك اياسىنداعى جوبالاردى جۇزەگە اسىرۋدا انا مەن بالانى قورعاۋ، ونكولوگيا جانە قان اينالىمى جۇيەسىنىڭ اۋرۋلارىن الدىن الۋعا باسىمدىق بەرىلگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي