BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

ەرتىس ازاماتتارىنىڭ ەلىنە سىيى

فوتو: автор

پاۆلودار وبلىسى. baq.kz ٴتىلشىسى. ەرتىس وڭىرىندە «مەكتەبىمە تاعزىم» ناۋقانى اياسىنداعى يگى ىستەر اتقارىلۋدا. اقتوعاي اۋدانى قوجامجار اۋىلىنىڭ ازاماتتارى اۋىل مەكتەبىن جوندەۋدەن وتكىزىپ، ٴبىلىم ورداسىن زاماناۋي قۇرالدارمەن جابدىقتاعان.

بۇگىندە قوجامجار اۋىلىندا 700-دەن استام تۇرعىن تۇرادى. وتكەن عاسىردىڭ باسىندا سالىنعان اۋىل مەكتەبىنە اعارتۋشى جارمۇحامەد تلەنشيننىڭ ەسىمى بەرىلىپ، 145 جىلدىعى اتالىپ ٴوتىلدى. سونداي-اق، عۇمىرىن مۇعالىمدىككە ارناعان جانداردىڭ قۇرمەتىنە 10 كابينەتكە ەسىمدەرى بەرىلدى.

بۇعان دەيىن اۋىل ازاماتتارىنىڭ اتسالىسۋىمەن ەلدى مەكەندە مەشىت پەن اسحانا بوي كوتەرگەن. سونىمەن قاتار، بيىل جول بويىنداعى بۇلاق كوزدەرى تازارتىلىپ، ورىندارىندا ەكى قۇدىق سالىندى. ەندى كەز كەلگەن جولاۋشى توقتاپ، تىرشىلىك ٴنارىن ىشە الادى.

«ەرتىس وزەنىنىڭ جاعاسىندا اۋليەلى بۇلاق بار. بۇلاق كۇز تۇسكەن بويدا قاتىپ قالىپ، قىستا جابىلىپ قالاتىن. ولقىلىقتىڭ ورنى تولتىرىلدى. جومارت جانداردىڭ باستاماسىمەن بۇلاقتىڭ اۋماعىندا تەرەڭدىگى سەگىز مەتر بولاتىن بۇلاق قازىلدى. سۋى تۇششى قۇدىقتىڭ يگىلىگىن اۋىل تۇرعىندارى مەن جولعا شىققان جولاۋشىلار كورەدى»، - دەيدى قوجامجار اۋىلىنىڭ تۋماسى جۇمابەك قامزين.

يگى ىسكە 50-دەن استام اۋىل ازاماتى اتسالىسىپ، قوماقتى قارجى بولگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي