BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ەلىمىزدەگى ٴاربىر بەسىنشى ٴسابي وڭتۇستىك وڭىردە دۇنيەگە كەلەدى

فوتو: http://pica4u.ru

قر پرەزيدەنتىنىڭ جارلىعىمەن حالىقارالىق ايەلدەر مەرەكەسىنە وراي وڭتۇستىك قازاقستان وبلىسىنداعى 766 كوپبالالى انا التىن مەن كۇمىستەن القا تاقتى. ونىڭ ىشىندە ٴ167-سى «التىن القا»، 559-ى «كۇمىس القا» يەگەرى اتاندى. قۇرمەتكە بولەنگەن التىن قۇرساقتى انالارىمىزدىڭ باسىم كوپشىلىگى شىمكەنت قالاسى مەن ماقتاارال، سارىاعاش جانە ورداباسى اۋداندارىنان بولىپ وتىر، دەپ حابارلايدى baq.kz اقپارات اگەنتتىگى.

وڭتۇستىك قازاقستان وبلىسى كوپ بالالى انالار سانى بويىنشا رەسپۋبليكادا كوش باستاپ تۇر. بۇگىندە وڭىردە كوپ بالالى انالار سانى 98 600-دەن استى. ونىڭ 3 ٴ998-ى «باتىر انالار»، ال 16 ٴ361-ى «التىن القا» بەلگىسىنىڭ يەگەرى بولسا، 42 ٴ724-ى «كۇمىس القا» تاققان. بۇدان بولەك، وبلىستا 6 906 انا ٴى جانە ٴىى دارەجەلى «انا داڭقى» وردەنىمەن ماراپاتتالعان.

وڭىردە انا مەن بالا ٴولىمى ازايىپ، دەموگرافيالىق احۋال جىل سايىن ارتىپ كەلەدى. ماسەلەن، 2017 جىلى انا ٴولىمىنىڭ كورسەتكىشى 14،4 پايىزعا تومەندەسە، نارەستە ٴولىمى 3،4 پايىزعا كەمىگەن.

ايتا كەتەيىك، جىل سايىن 80 مىڭعا جۋىق نەمەسە ەلدەگى ٴاربىر بەسىنشى ٴسابي وڭتۇستىك وڭىرىندە دۇنيەگە كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي