BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

ەلىمىزدە سىبايلاس جەمقورلىق وقيعاسى ٴبىر رەت تە تىركەلمەگەن اۋىلدار بار

ماڭعىستاۋ وبلىسى بەينەۋ اۋدانىنا قاراستى تولەپ جانە سارعا اۋىلدارىندا بۇعان دەيىن سىبايلاس جەمقورلىق دەرەكتەرى تىركەلمەگەن، دەپ حابارلايدى baq.kz اقپارات اگەنتتىگى.

قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىلارى وسىعان كوز جەتكىزدى.

ەكى اۋىلدىڭ تۇرعىندارىمەن كەزدەسۋ كەزىندە مەملەكەتتىك قىزمەت كورسەتۋ، مەملەكەتتىك قىزمەت سالاسى، مەملەكەتتىك قىزمەتشىلەردىڭ ادەپتىلىگى جانە سىبايلاس جەمقورلىق پروفيلاكتيكاسى ماسەلەلەرى ٴسوز بولدى.

شارا كەزىندە تولەپ اۋىلىندا بەينەۋ اۋدانىنىڭ الەۋمەتتىك-ەكونوميكالىق دامۋىنا قوسقان ۇلەسى ٴۇشىن ٴبىرقاتار اۋىل تۇرعىنى «بەينەۋ اۋدانىنا 45 جىل» توسبەلگىسىمەن ماراپاتتالدى. ال سارعا اۋىلىندا سالتاناتتى تۇردە اۋىلدىڭ بۇرىنعى اكىمى ايبەرگەن ٴىزباساروۆقا توسبەلگىنى قوعام جانە مەملەكەت قايراتكەرى قايروللا ەرەجەپوۆ تابىستادى.

اۋىل تۇرعىندارى دا قاراپ قالمادى، وزدەرىنىڭ پىكىرىن اشىق ٴبىلدىردى. ماسەلەن، "جانقارا" شارۋا قوجالىعىنىڭ جەتەكشىسى، زەينەتكەر ورىنباسار قيانوۆ، ٴوزىنىڭ شارۋا قوجالىعىن ودان ٴارى دامىتقىسى كەلەتىن ايتتى. الايدا بۇل رەتتە كەدەرگى دە جوق ەمەس، قولجەتىمدى نەسيە الا الماي الەك ٴجۇر. سوندىقتان دا، مۇمكىندىگىنشە قولداۋ كورسەتىلسە دەگەن ٴوتىنىشىن ايتتى. ال سىبايلاس جەمقورلىقتىڭ الدىن-الۋ باعىتىندا قولعا الىنىپ جاتقان اۋقىمدى شارالاردان حاباردارمىز جانە كوڭىلىمىز تولادى دەدى.

اۋىلدىڭ تاعى ٴبىر تۇرعىنى، بەينەۋ مەكتەپ-ينتەرناتىنىڭ الەۋمەتتىك پەداگوگى ايجاقسى جەتپىسوۆا، اۋىلدا سىبايلاس جەمقورلىق دەرەكتەرىنىڭ بۇرىن بولماعانىن جانە بۇعان دەيىن وبلىس ورتالىعىنان ادەپ جونىندەگى كەڭەس مۇشەلەرىنىڭ كەلمەگەندىگىن ايتىپ ٴوتتى. الداعى ۋاقىتتا مۇنداي كەزدەسۋلەر تۇراقتى تۇردە وتكىزىلىپ تۇرسا دەگەن تىلەگىن جەتكىزدى.

تۇرعىندار تاراپىنان قويىلعان سۇراقتار جاۋاپسىز قالمايدى. دەپارتامەنت باسشىسى نۇرگۇل جاننازاروۆا، ادەپ جونىندەگى كەڭەس مۇشەلەرى قايروللا ەرەجەپوۆ جانە انۋاربەك بيماعامبەت بارلىق سۇراقتارعا ۋاقتىلى تۇشىمدى جاۋاپ بەرەمىز دەپ سەندىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي