BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

ەلباسى جولداۋى كاسىپوداقتار تاراپىنان قولداۋ تاپتى

شىمكەنتتە تۇركىستان وبلىسى مەن شىمكەنت قالاسى كاسىپوداق ۇيىمدارىنىڭ مۇشەلەرى مەن وكىلدەرى قاتىسقان جيىن ٴوتتى. جيىندا ەلباسى نۇرسۇلتان نازاربايەۆتىڭ "قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ" اتتى جولداۋىنداعى باسىم باعىتتار تالقىلاندى، دەپ حابارلايدى baq.kz اقپارات اگەنتتىگى.

تۇركىستان وبلىسى كاسىپوداقتارىنىڭ ٴتوراعاسى بەرىك بەكجانوۆ «جولداۋدا الەمنىڭ دامىعان 30 مەملەكەتىنىڭ قاتارىنا ەنۋ جولىنداعى مىندەتتەر جۇكتەلگەن. ەڭبەك ادامىنىڭ مۇددەسى قورعالىپ، جۇمىسشىلاردىڭ تۇرمىس دەڭگەيىن جاقسارتۋ نەگىزگە الىنعان. ەڭ تومەنگى جالاقى كولەمىنىڭ ۇلعايۋى، بيۋدجەتتىك مەكەمە قىزمەتكەرلەرىنىڭ جالاقىسىنىڭ ٴوسۋى جۇرتشىلىقتى قۋانتىپ جاتىر. كاسىپوداقتار دا پرەزيدەنتىمىزدىڭ باستامالارى مەن يدەيالارىن قولدايدى جانە جولداۋداعى مىندەتتەردى ورىنداۋعا ۇلەس قوسادى» دەدى.

سونىمەن قاتار، جيىندا ٴتوراعا ورىنباسارى سەرىك اۋەسحانوۆ بايانداما جاساسا، كاسىپوداق سالاسىنىڭ ارداگەرى، “حالىقتار دوستىعى” جانە “قۇرمەت” وردەندەرىنىڭ يەگەرى دوسىباي شەرىمقۇلوۆ جانە وزگە دە ازاماتتار جارىسوزگە شىعىپ، ويلارى مەن ۇسىنىستارىن جەتكىزدى.

الداعى ۋاقىتتا جولداۋداعى باسىم باعىتتار ٴاربىر باستاۋىش كاسىپوداق ۇيىمدارىندا، كاسىپورىندار مەن ەڭبەك ۇجىمدارىندا ناسيحاتتالىپ قانا قويماي، ونى جۇزەگە اسىرۋ باعىتىنداعى جۇمىستار دا قولعا الىنباق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي