BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

ەكىباستۇزداعى اتىشۋلى وقۋ ورتالىعى ٴبىر جىلدان كەيىن قولدانىسقا بەرىلەدى

فوتو: автордан

ەكىباستۇز قالاسىنداعى وتاندىق وتىن-ەنەرگەتيكا سالا ماماندارىن دايارلاۋعا ارنالعان وقۋ ورتالىعى قالپىنا كەلتىرىلە باستادى. قۇرىلىسى بەس جىل بويى تۇرالاپ قالعان نىساننىڭ عيماراتتارى، سونىمەن قاتار، ينجەنەرلىك جەلىلەرى تۇگەل جارامسىز بولىپ قالعان، دەپ حابارلايدى baq.kz ايماقتاعى ٴتىلشىسى.

ورتالىق وسىدان جەتى جىل بۇرىن قولدانىسقا بەرىلۋگە دايىن ەدى. ٴبىراق، بۇگىنگە دەيىن سوت داۋلارى مەن قايتا ەسەپتەۋ شارالارى جۇرگىزىلدى. ارنايى قۇرىلعان جۇمىس كوميسسياسى ٴبىرىنشى كەزەكتە جەراستى سۋلارىن سورىپ، جەرتولەلەردى كەپتىرۋدى قولعا الدى. سونىمەن قاتار، اپاتتى دەپ تانىلعان كورپۋسارالىق گالەرەيانى تۇگەل ٴسۇرىپ تاستادى.

«جوبالىق-سمەتالىق قۇجاتتاما مەملەكەتتىك ساراپتامادان ٴوتتى. 2018 جىلعا وبلىستىق بيۋدجەتتەن قارجى قاراستىرىلىپ وتىر. العاشقى ترانش - 300 ملن. تەڭگە. مەردىگەر ۇيىم جۇمىستارىنا كىرىستى. بۇل كومپانيا قۇرىلىس سالاسىندا تانىمال. ەڭ باستىسى، جەرگىلىكتى كليماتتىڭ ەرەكشەلىكتەرىن بىلەدى. 10 جىلدان استام تاجىريبەسى بار مەردىگەر ۇيىم وبلىستىق پەرريناتالدىق ورتالىق، بىرنەشە مەكتەپ پەن تۇرعىن ۇيلەردى سالعان»، - دەيدى ەكىباستۇز قالاسىنىڭ اكىمى قايرات نۇكەنوۆ.

باستاپقىدا 700 ورىندىق وقۋ ورنىن سالۋعا 4،5 ملرد. تەڭگە بولىنگەن. الايدا، درەناجدىق جۇيەنىڭ ەسكەرىلمەۋىنەن جەرتولەلەردى سۋ باسىپ كەتكەن. جەرتولەلەردەگى سۋ بەلشەدەن كەلىپ، عيماراتتاردىڭ ىرگەستاسىن سوگىپ جىبەرگەن. ٴبىر سوزبەن ايتقاندا، نىساننىڭ باتپاقتىڭ ۇستىنە سالىنعانى بەلگىلى بولدى. وعان قوسا، 10-نان استام وقۋ كورپۋسىنىڭ توبەلەرى، بۇعان دەيىن دايىن بولعان ەلەكتر جانە جىلۋ جەلىلەرى ىستەن شىقتى.

جالپى، كورپۋستار ورنالاسقان شاعىن اۋدان اۋماعىنىڭ درەناجدىق جۇيەسى رەتتەلدى.

«ٴبىز ەكىباستۇز قالاسىنداعى 9-شى شاعىن اۋداننىڭ درەناجدىق جۇيەسىن، جەراستى سۋلارىن قۇرعاتىپ كەتىردىك. قازىرگى تاڭدا 5 مەتردەن 7 مەترگە دەيىن جەراستى سۋلارى كەتتى. ىقشام اۋدانداعى ٴۇي اۋلالارى دا قۇرعاپ كەتتى»، - دەيدى ەكىباستۇز قالالىق قۇرىلىس ٴبولىمىنىڭ باسشىسى اباي كارىموۆ.

ايتا كەتەيىك، وقۋ ورتالىعىنىڭ 10 كورپۋسىن ٴتۇيىستىرىپ تۇرعان گالەرەيا اپاتتى جاعدايدا دەپ تانىلدى. سوندىقتان، تولىق بۇزىلعان. قۇرىلىسشىلاردىڭ ايتۋىنشا، بۇل جۇمىستى اتقارۋعا ٴبىراز تەر توگۋگە تۋرا كەلىپتى.

«جاڭا جوبا بويىنشا بۇل اۋماق اباتتاندىرىلىپ، جولدار سالىنادى. گالەرەيانى دەمونتاجداۋ قيىن بولدى. سەبەبى، نىساننىڭ ىرگەسى سوگىلىپ، توبەسى قۇلاۋعا شاق قالدى. 15 اۋىر تەحنيكا جۇمىلدىرىلدى»، - دەيدى مەردىگەر كومپانيانىڭ باسشىسى مۇحتار يچيەۆ.

وقۋ ورنىن قالپىنا كەلتىرۋگە مەملەكەتتىك بيۋدجەتتەن 4،1 ملرد. تەڭگە بولىنگەن. ورتالىق كەلەر جىلدىڭ سوڭىندا پايدالانۋعا بەرىلەدى. ناتيجەسىندە «پرەزيدەنتتىڭ بەس باستاماسىندا» ايتىلعان مىندەتتەردىڭ ٴبىرى ورىندالماق. 300 ورىندىق جاتاقحانا قولدانىسقا بەرىلگەن سوڭ، جاتىن ورىن جەتىسپەۋشىلىگى تولىق جويىلادى.

ەسكە سالا كەتەيىك، اتالمىش ورتالىقتى سالۋدى مەملەكەت باسشىسى سوناۋ 2006 جىلى تاپسىرعان. نىسان 2008 جىلى اشىلۋعا ٴتيىس بولعان، ٴبىراق، ساقالدى قۇرىلىسقا اينالدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي