BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ەكىباستۇز قالاسىنىڭ بۇرىنعى اكىمىن ولتىرگەن قىلمىسكەر بوستاندىققا شىعادى

فوتو: Автор

پاۆلودار. baq.kz ٴتىلشىسى. ەكىباستۇز قالاسىنىڭ بۇرىنعى اكىمىن ولتىرگەن قىلمىسكەر شارتتى تۇردە بوستاندىققا شىعۋى مۇمكىن. بۇگىن پاۆلودار قالالىق قىلمىستىق سوتتا اپ-162/4 تۇزەتۋ مەكەمەسىنىڭ سوتتالۋشىسى سەرىك مۇحانتايەۆتى بوستاندىققا شىعارۋ تۋرالى ٴوتىنىشتى قاناعاتتاندىردى.

58 جاسار رامازان جۇماتايەۆتى تال تۇستە اۆتوماتتان اتىپ ولتىرگەن سەرىك مۇحانتايەۆتى 13 جىلعا باس بوستاندىعىنان ايىرىلعان ەدى. وتىرىسقا سوتتالۋشىنىڭ ٴوزى قاتىستى. سەرىك مۇحانتايەۆتىڭ ايتۋىنشا، ول بواستاندىققا شىققان سوڭ وتباسىنا ورالىپ، وبلىس ورتالىعىنداعى قاتتى تۇرمىستىق قالدىقتاردى شىعارۋمەن اينالىساتىن كاسىپورىندا جابدىقتاۋشى بولىپ ەڭبەك ەتپەك.

پروسەسسكە قاتىسقان تۇزەتۋ مەكەمەسىنىڭ قىزمەتكەرلەرى دە سوتتالۋشىنىڭ وتىنىشىنە قولداۋ ٴبىلدىردى. كولونيا وكىلدەرىنىڭ ايتۋىنشا، سەرىك مۇحانتايەۆ تۇرمەدە جازاسىن 9 جىل جانە 4 ايلىق مەرزىمدە وتەگەن. وسى ۋاقىت ارالىعىندا تارتىپكە باعىنىپ، جاقسى مىنەز تانىتقان.

ال مەملەكەتتىك ايىپتاۋشى تاراپ بۇل پىكىرمەن كەلىسپەي، س. مۇحانتايەۆ كولونيادا ٴۇش رەت تارتىپتىك جازاعا تارتىلعانىن العا تارتتى.

«سەرىك مۇحانتايەۆتى مەرزىمىنەن بۇرىن شارتتى تۇردە بوساتۋ ٴوتىنىشى قاناعاتتاندىرىلدى. ول 2018 جىلدىڭ 23 قاراشاسىنان باستاپ بوساتىلادى. سوتتالۋشىعا 3 جىل 7 اي 18 كۇنمەرزىمىندە پروباسيالىق باقىلاۋ بەكىتىلسىن»، - دەپ حابارلادى پاۆلودار قالالىق №2 سوتىنىڭ سۋدياسى جۇلدىز تىلەگەنوۆا.

ايتا كەتەيىك، پروباسيالىق باقىلاۋ شەڭبەرىندە سەرىك مۇحانتايەۆقا تۇرعىلىقتى مەكەنجايىن اۋىستارۋعا، ويىن-ساۋىق ورىندارىندا بولۋعا، ەسىرتكى جانە ىشىمدىك تۇتىنۋعا تىيىم سالىنادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي