BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

ەكى وبلىس تۇركىستانعا تاريحي-كيەلى ورىنداردىڭ ورتالىعىن سالىپ بەرەدى

استانا، baq.kz. قر پرەزيدەنتى نۇرسۇلتان نازاربايەۆتىڭ حاتتامالىق تاپسىرماسىن ورىنداۋ شەڭبەرىندە تۇركىستان قالاسىنا العاشقى بولىپ پاۆلودار وبلىسىنىڭ ساۋلەت جانە قالا قۇرىلىسى باسقارماسىنىڭ باسشىسى نۇرلان قاقامبەتوۆ پەن باتىس قازاقستان وبلىسىنىڭ قۇرىلىس باسقارماسىنىڭ باسشىسى التىنبەك قايساعاليەۆ كەلدى.

قالا قوناقتارى وبلىس اكىمى جانسەيىت تۇيمەبايەۆتىڭ قابىلداۋىندا بولىپ، «تۇركىستان وبلىسىنىڭ تاريحي-كيەلى ورىندارىنىڭ ورتالىعى» عيماراتىنىڭ قۇرىلىسى بويىنشا ماجىلىسكە قاتىستى.

«ەلباسى تاپسىرماسىنا سايكەس، تۇركىستان قالاسىندا سالىناتىن نىسانداردى تالقىلاپ، زەردەلەۋگە ەڭ العاشقى بولىپ پاۆلودار مەن باتىس قازاقستان وبلىسىنىڭ وكىلدەرى كەلىپ وتىر. ول ٴۇشىن سىزدەرگە جانە پاۆلودار وبلىسىنىڭ اكىمى بولات باقاۋوۆ پەن باتىس قازاقستان وبلىسىنىڭ اكىمى التاي كولگىنوۆكە العىسىمدى بىلدىرەمىن. الدىمەن الاڭداعى تاريحي ەسكەرتكىشتەردىڭ ورنالاسۋ ٴتارتىبى رەتتەلۋ كەرەك. تۋريستەرگە جانە قالا تۇرعىندارى ٴۇشىن ىڭعايلى بولۋ ٴۇشىن ساۋدا ورىندارى جۇمىس جاساپ، وتباسىلىق سەرۋەندەۋگە جان-جاقتى جاعداي جاسالۋى ٴتيىس. ورتالىقتا بوي كوتەرەتىن كەشەندەردىڭ دالمە-دال كوشىرمەسىنىڭ بيىكتىگى شامامەن 3-4 مەتر بولادى. قويىلعان تاپسىرمانى تياناقتى ورىنداۋ ٴۇشىن ٴۇشجاقتى كەلىسىمگە كەلىپ، جول كارتاسىن ازىرلەيمىز»، - دەدى جانسەيىت قانسەيىت ۇلى.

جيىن بارىسىندا ٴوڭىر باسشىسى قۇرىلىس جۇمىستارى بيىل باستالۋ كەرەكتىگىن اتاپ ٴوتتى. ٴوز كەزەگىندە قالا قوناقتارى جاڭا وبلىس ورتالىعىنىڭ كوركەيۋىنە بارىنشا قولداۋ كورسەتۋگە دايىن ەكەندەرىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي