BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

دارەتحاناعا شىعىپ، جوعالىپ كەتكەن اتىراۋلىق قىز قىزىلوردادان تابىلدى

ٴوز ۇيىندە دارەتحاناعا شىعىپ، قايتىپ كەلمەگەن 18 جاستاعى اتىراۋلىق قىز الينا قۇرماناليەۆا قىزىلوردادان تابىلدى، دەپ حابارلايدى ۆaq.kz اقپارات اگەنتتىگى موي گورود باسىلىمىنا سىلتەمە جاساپ.

اتىراۋ پوليسەيلەرى ۇيالى تەلەفوننىڭ سيگنالى ارقىلى قىزدى الىپ كەتكەن كولىكتى انىقتادى. ولار شۇعىل شارالاردان كەيىن 6 كۇن وتكەن سوڭ كولىكتىڭ ىزىنە تۇسەدى. سويتسە، كولىك قىزىلوردا وبلىسىنا باعىت العان.

ەكى ٴوڭىردىڭ پوليسەيلەرى بىرلەسىپ ارەكەت ەتىپ، قىزدى تابادى.

«ٴبىزدىڭ ٴسىڭلىمىز الينا جوعالعاندا بىزبەن بىرگە بولىپ، كومەك قولىن سوزعان، ۋايىمداعان بارشا جانعا العىس بىلدىرەمىز. جاقسى جاڭالىعىم بار – قۇرمانعازى اۋدانىنىڭ پوليسەيلەرى ونى امان-ەسەن تاپتى»، - دەپ جازدى الەۋمەتتىك جەلىگە اپكەسى ميرا قۇرماناليەۆا.

تۋىستارىنىڭ ايتۋىنشا، قىز قىزىلوردا وبلىسىنا جىگىتپەن كەتىپ قالعان. اتا-اناسى ىزدەۋ جاريالاعاندا الينا حابارلاسىپ، ٴبارى جاقسى ەكەنىن ايتقان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي