BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

دانيال احمەتوۆ سۋ تاسقىنىنان كەيىنگى جۇمىستارعا 3،2 ملرد تەڭگە سۇرادى

بۇگىنگى ۇكىمەت وتىرىسىنان كەيىنگى كۋلۋاردا شقو اكىمى دانيال احمەتوۆ وبلىستا جاريالانعان توتەنشە جاعدايدان كەيىنگى ٴوڭىردىڭ قازىرگى احۋالىن باياندادى، دەپ حابارلايدى baq.kz ٴتىلشىسى.

«بارلىق جوندەۋ جۇمىسى ٴبىتتى. 508 اينەك سالىندى. بۇل جۇمىستار 10 كۇن بۇرىن جاسالدى. وسى جاعدايعا بايلانىستى قارجىلاندىرۋ ۇسىنىسىمەن كوميسسيا جۇمىس ىستەپ جاتىر. بۇگىن ۇكىمەتكە ۇسىنىسىمىزدى تاستادىق. شەشىلەدى دەگەن ۇمىتتەمىز. تاپسىرمالاردى شەشۋگە بولىنەتىن قارجىلاندىرۋ سوماسى 3،2 ملرد تەڭگە. ٴقازىر تۇرعىن ۇيلەردى قالپىنا كەلتىرۋگە بيۋدجەتتەن ٴوزىمىز 500 ميلليون تەڭگەدەن استام قارجى بولدىك. 172 ٴۇي جوندەلدى جانە باسپاناسى جوندەۋگە كەلمەيتىندەرگە 34 ٴۇي ساتىپ الدىق. بۇگىندە 500 ٴۇيدىڭ سمەتالىق قۇجاتىن جاسادىق. از ۋاقىت ىشىندە جوندەۋ جۇمىستارىن جۇرگىزىپ، جوسپار بويىنشا جۇمىس ىستەپ جاتىرمىز. حالىق تۇسىنىستىكپەن قاراپ وتىر»، - دەدى شقو اكىمى.

ول شقو-داعى اپاتقا بايلانىستى قورعا جينالعان اقشانىڭ ەسەبىن بەرەتىنىن، بارلىق جۇمىستى اشىق كورسەتەتىنىن اتاپ ٴوتتى. سونىمەن بىرگە ول سۋ تاسقىنى بولعاندا اسكەر كومەكتەسۋى كەرەك دەگەن ساراپشى ويىنا قاتىستى پىكىر ٴبىلدىردى.

«ولاي دەپ سانامايمىن. اسكەرگە جۇكتەلگەن فۋنكسيالار بار، ٴوز ىستەرىمەن اينالىسۋى ٴتيىس. پرەمەر-مينيستردىڭ ٴارتۇرلى مينيسترلىكتەرگە توتەنشە جاعداي دەپارتامەنتتەرىمەن بىرلەسە جۇمىس ىستەۋ تۋرالى تاپسىرماسىن تولىقتاي دۇرىس شەشىم دەپ بىلەمىن. اركىم ٴوز ىسىمەن اينالىسۋى ٴتيىس»، - دەدى احمەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي